ހުޅަނގު މޫސުމުގެ ގަދަ ވަޔާއި ވިއްސާރަ އާއި ގުޅިގެން ރާއްޖޭގެ ބޮޑު ބަޔަކަށް ރީނދޫ އެލާޓް ނެރެފި އެވެ.
މޫސުމާ ބެހޭ ގައުމީ އިދާރާ -- މެޓް އޮފީހުން މިރޭ 12:00 ޖެހުމާ ހަމައަށް އެލާޓް ނެރުނީ ބ. އަތޮޅުން ފެށިގެން އައްޑު ސިޓީއާ ދެމެދުގެ ރަށްތަކަށެވެ.
މެޓް އޮފީހުން ބުނީ މި ރަށްތަކަށް ގަޑިއަކު 25 މޭލާއި 30 މޭލާ ދެމެދުގެ ބާރު މިނުގައި ވައިޖެހޭނެ ކަމަށާއި ގަޑިއަކު 50 މޭލަށް ވައި ގަދަވާނެ ކަމަށެވެ. އަދި ބޯކޮށް ވާރޭވެހި ކަނޑުތައް ގަދަވާނެ ކަމަށްވެސް ލަފާކޮށްފައިވެ އެވެ.
ރާއްޖޭގެ ބޮޑު ސަރަހައްދަކަށް ހުޅަނގު މޫސުމުގެ މިދުވަސްވަރު މޫސުން ވަރަށް ބޮޑަށް ގޯސްވާނެ ކަމަށް މެޓް އޮފީހުން މިދިޔަ ބުދަ ދުވަހުވެސް ދުރާލާ ބުނެފައިވެ އެވެ.