މާލޭގެ ފަތާ ޓްރެކް ކައިރީ ޕާކުކޮށްފައި ހުރި ސައިކަލެއްގެ މަޑި ދަށުން ތިން ފޯން ވަގަށް ނެގި މީހަކު ހައްޔަރުކޮށްފި އެވެ.
މިމައްސަލައިގެ ތުހުމަތުގައި ހައްޔަރުކޮށްފައިވަނީ އަހްމަދު ނާޒިމު ކިޔާ އުމުރުން 35 އަހަރުގެ މީހެކެވެ.
ވައްކަން ކުރި ކަމަށް ތުހުމަތު ކުރެވޭ މި މީހާ، ހައްޔަރުކޮށް ކޯޓަށް ހާޒިރު ކުރުމުން ތިން ދުވަހު ބަންދުކޮށްފައި ބެހެއްޓުމަށް ކޯޓުން ވަނީ އަމުރުކޮށްފަ އެވެ.
ނާޒިމުގެ ބަންދު އަމުރުން އެނގޭ ގޮތުގައި އޭނާ ވަގަށް ނެގި ތިން ފޯނު މިހާރު ވަނީ އޭގެ ވެރިފަރާތްތަކާ ހަވާލުކޮށްފަ އެވެ.
ތިން ފޯނު ވަގަށް ނެގި ކަމަށް އަހްމަދު ނާޒިމް ވަނީ މުއްދަތު މަޖިލީހުގައި އިއުތިރާފްވެސް ވެފަ އެވެ.
ބަންދު އަމުރު ރިޕޯޓުން އެނގޭ ގޮތުގައި ފަތާ ޓްރެކް ކައިރިން ފޯނުތަކެއް ވަގަށް ނެގި މި މީހާގެ ކުށުގެ ރެކޯޑެއް އެންމެ ފަހުން ރިކޯޑް ކޮށްފައިވަނީ 2015 ވަނަ އަހަރު އެވެ.