އިލެކްޝަން ކޮމިޝަން (އީސީ)ގެ ރައީސް ފުއާދު ތައުފީގުގެ ބައޯގްރަފީ ނުވަތަ ހަޔާތުނާމާ ނެރުމަށް ނިންމައިފި އެވެ.
މި ފޮތް ނެރުމަށް ހަމަޖެހިފައިވަނީ މިމަހު އެވެ. އެކަމަކު ސީދާ ވަކި ތާރީހެއް އަދި އިއުލާންކޮށްފައެއް ނުވެ އެވެ.
ފުއާދުގެ ބައޯގްރަފީ ލިޔަނީ ކުރީގެ ނައިބް ރައީސް ފައިސަލް ނަސީމުގެ ބައޯގްރާފީވެސް ލިޔުއްވި ނޫސްވެރިޔާ އަހްމަދު ސާއިލް އަލީ އެވެ.
އުމުރުން 69 އަހަރުގެ ފުއާދުގެ ބައޯގްރަފީގެ އޭނާގެ އަމިއްލަ ދިރިއުޅުމުގައި ދިމާވި ކަންކަމާއި ގައުމީ ހިދުމަތުގެ ވާހަކަތައް ވަރަށް ތަފްސީލްކޮށް ހިއްސާކުރާނެ ކަމަށް ފުއާދު ވިދާޅުވެފައިވެ އެވެ.
ފުއާދު ތައުފީގަކީ ރާއްޖޭގައި މަޝްހޫރު ހާޖަރާގެ އާއިލާއަށް ނިސްބަތްވާ މުހައްމަދު ތައުފީގުގެ ބޭފުޅެކެވެ.