އެމެރިކާގެ ކުރީގެ ރައީސް ޑޮނަލްޑް ޓްރަމްޕަށް ދިން ހަމަލާ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކުށްވެރިކުރައްވައިފި އެވެ.
ޓްރަމްޕަށް ބަޑިން ހަމަލާ ދިނީ އޭނާ އެމެރިކާގެ ޕެންސިލްވޭނިއާގައި ކެމްޕޭން އެއްވުމެއްގައި ވާހަަކަދައްކަވަނިކޮށެވެ.
އެ ހަމަލާ ކުށްވެރި ކުރައްވާ ރައީސް މުއިއްޒު އެކްސްގައި ކުރެއްވި ޕޯސްޓެއްގައި ވިދާޅުވީ ސިޔާސީ މައިދާނުގައި އަނިޔާވެރިކަމަށް ޖާގައެއް ނެތް ކަމަށެވެ.
ކޮންމެ ތަނެއްގައި ހިނގާ ހުރިހާ ބާވަތެއްގެ އަނިޔާވެރިކަން ހަރުކަށިކޮށް ކުށްވެރި ކުރައްވާ ކަމަށްވެސް ރައީސް މުއިއްޒު ވިދާޅުވި އެވެ.
ޓްރަމްޕަށް އަމާޒުކޮށް ބަޑިން ދިން ހަމަލާގައި ޓްރަމްޕްގެ ކަންފަތް ވަނީ ޒަހަމްވެފަ އެވެ.
މި ހަމަލާ އަމާޒުވީ އެ އެއްވުމުގައި ހުރި ޓްރަމްޕްގެ ސަޕޯޓަރަކަށެވެ. މި ހާދިސާގައި އޭނާ ވަނީ މަރުވެފަ އެވެ.
