ހޮލީވުޑްގެ އެންމެ އަގު ބޮޑު ތަރިންގެ ތެރޭގައި ހިމެނޭ އެންޖެލީނާ ޖޯލީ އުމުރުން 22 އަހަރުގައި އަމިއްލައަށް މަރުވާން މަސައްކަތް ކުރި ކަމަށް ބުނެފި އެވެ.
އެގޮތުން ޖޯލީ ވަނީ އެ ދުވަސްވަރު އޭނާ މަރާލަ ދޭނެ މީހަކުވެސް ހޯދާފަ އެވެ.
އުމުރުން މިހާރު 49 އަހަރުގެ ޖޯލީ ބުނީ އެމެރިކާގެ ނިއުޔޯކުން މީހަކު މަރާލަ ދޭނެ މީހަކު ހޯދުމަކީ އުނދަގޫ ކަމެއް ނޫން ކަމަށެވެ. ނަމަވެސް އޭނާ ހޯދި މީހަކީ ވަރަށް ރަނގަޅު މީހެއް ކަމަށާއި ޖޯލީގެ ކިބައިން އޭނާ އެދުނީ ދެ މަސް ވަންދެން އަދި ވިސްނާލުމަށް ކަމަށެވެ.
ޖޯލީ ބުނީ އެ މީހާގެ އެދުމުގެ މަތިން ކަންކަމާ މެދު ތަންކޮޅެއް ރަނގަޅަށް ވިސްނަން ފެށުމުން މަޑުމަޑުން ދިރިއުޅުން ރަނގަޅުވެ ހިތާމަތަކަށް ލުއި ލިބެން ފެށި ކަމަށެވެ. އަދި އެ ދުވަހުން ފެށިގެން އަމިއްލަ ފައިމައްޗަށް ތެދުވެ ގޯސް ވިސްނުންތަކުން ދުރުވާން މަސައްކަތް ކުރި ކަމަށްވެސް ބުންޏެވެ.
އޮސްކާ އެވޯޑް ލިބިފައިވާ ބަތަލާ އަދި ހަ ކުދިންގެ މަންމަ އެންޖެލީނާ އަކީ އޮސްކޯ އެވޯޑްވެސް ހޯދާފައިވާ އަދި އދ.ގެ އެމްބެސެޑަރުކަންވެސް ކޮށްފައިވާ ފަންނާނެކެވެ.