ބޭންކް އޮފް މޯލްޑިވްސް (ބީއެމްއެލް) އިން ޕޭރޯލް އާއި ބަލްކް ޓްރާންސްފާ ކުރުމަށް އިންޓަނެޓް ބޭންކިން އަދި ފަވަރަ ބޭނުންކުރުން ވަގުތީ ގޮތުން ހުއްޓާލައިފި އެވެ.
އެ ބޭންކުން ބުނި ގޮތުގައި ޕޭރޯލް އާއި ބަލްކް ޓްރާންސްފާ ނުވަތަ ބޮޑެތި އަދަދުތަކުން ފައިސާ ފޮނުވުމަށް ހުށަހަޅަންޖެހޭނީ އީމެއިލް މެދުވެރިކޮށެވެ.
މެއިލް ކުރުމުން ބަލްކް ޓްރާންސްފާ އަދި ޕޭރޯލް ރިކުއެސްޓްތައް ޕްރޮސެސްކުރާނެ ކަމަށް ބީއެމްއެލް އިން ބުނެ އެވެ.
ބީއެމްއެލް އިން މި ބަދަލު ގެނައީ ނިމިދިޔަ މަހު މުސާރަ ޖަމާކުރިއިރު ރިސޯޓެއްގެ މުވައްޒަފެއްގެ އެކައުންޓަށް 77 ބިލިއަނަށްވުރެ ގިނަ ޑޮލަރު ޖަމާވި މައްސަލައަށް ފަހު އެވެ.
އެ މައްސަލަ ދިމާވީ ޕޭރޯލް ހެދުމުގައި ގެންގުޅުނު ބަލްކް ޕޭމަންޓް ސިސްޓަމަށް ގެނައި ބަދަލެއްގެ ސަބަބުން ހެދުނު ގޯހެއްގައި ކަމަށް ބޭންކުން ބުނެ އެވެ.