ބިޒްނަސް ސެންޓާ ކޯޕަރޭޝަން (ބީސީސީ) އިން 11 ބުރީގެ އިމާރާތެއް އަޅަން ނިންމައިފި އެވެ.
މި އިމާރާތް އެޅުމަށް ހަމަޖެހިފައިވަނީ މާލޭގެ ޗާންދަނީ މަގަށްވާ ގޮތަށް އޮންނަ ދަނބުގޯޅީގެ ކަންމަތީގައެވެ.
އިމާރާތުގެ މަސައްކަތް ފަށާތާ ތިން އަހަރުގެ ތެރޭގައި ނިންމަންޖެހޭ ގޮތަށް އެ މަސައްކަތް ހަވާލުކޮށްފައިވަނީ ފެޑޯ ކޮންސްޓްރަކްޝަނަށެވެ.
ބީސީސީ އިން މިފަދަ އިމާރާތެއް އަޅަން ނިންމާފައި މިވަނީ ކުދި އަދި މެދުފަންތީގެ ވިޔަފާރިތަކަށް އެ އިމާރާތުން ޖާގަ ހޯދައިދިނުމަށާއި ބައެއް ވިޔަފާރިތަކަށް ބޭނުންވާ އޮފީސް ޖާގަ ހޯދައިދިނުމަށެވެ.
ބީސީސީ އިން 11 ބުރީގެ އިމާރާތެއް މާލޭގައި އެޅުމަށް ނިންމާފައި މިވަނީ ކުންފުނީގެ ހަރަދު ބޮޑުވާތީ އެސްއެމްއީ ހަބުގެ ދެ ފްލޯއެއް ދޫކޮށްލާފައި ވަނިކޮށެވެ.
ބިސިސީގެ އިމާރާތަށް ބޭނުންވާ ފައިސާ ހަމަޖައްސާފައިވާ ގޮތެއް އެނގިފައެއް ނުވެ އެވެ.