ރާއްޖޭގެ ތަޖުރިބާކާރު ވިޔަފާރިވެރީންގެ ތެރޭގައި ހިމެނޭ މޫސާ މުހައްމަދުފުޅު (ހުވަނދުމާ މޫސާފުޅު) އަވަހާރަވެއްޖެ އެވެ.
މޫސާފުޅާ މިއަދު އަވަހާރަވީއިރު އުމުރުފުޅަކީ 82 އަހަރެވެ.
މޫސާފުޅު މިއަދު އަވަހާރަވުމާ ގުޅިގެން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ މޫސާފުޅުގެ އާއިލާއަށް ތައުޒިޔާ ވިދާޅުވެފަ އެވެ.
މޫސާފުޅުގެ މޫނުދެއްކުން ކުރިއަށް ދަނީ މާލޭގެ އިސްލާމީ މަރުކަޒުގައެވެ. ރައީސް މުއިއްޒު ވަނީ މޫސާފުޅުގެ މޫނު ދެކެވަޑައިގަތުމަށް އިސްލާމީ މަރުކަޒަށްވެސް ވަޑައިގެންފަ އެވެ.
ރާއްޖޭގައި އެންމެ ފުޅާކޮށް ފޮއްޗާއި، ފޭރާން އަދި ސްކޫލް ކުދިންގެ ޔުނީފޯމު ވިއްކާ ފިހާރަ ކަމަށްވާ "ހުދުމާ" ފިހާރައަކީ މޫސާފުޅުގެ ވިޔަފާރިއެކެވެ.