ހެލްތު މިނިސްޓަރު ޑރ. އަބްދުﷲ ހަލީލް ފްލެޓެއް ބައްލަވައިގެންފި އެވެ.
ހަލީލް ފްލެޓް ބައްލަވައިގަތީ ހުޅުމާލޭގައި ހުންނަ ސީއެޗްސީ ކައިރީގައިވާ އެފްޑަބްލިއު ރެސިޑެންސްގެ ފްލެޓެކެވެ.
މި ފްލެޓްގެ އަގު 3.1 މިލިއަން ރުފިޔާއަށް އަރަ އެވެ.
ހަލީލް ބައްލަވައިގެން ފްލެޓަށް އަގު ދައްކަވާފައިވާތީ އެޗްޑީސީ އިން ވަނީ ހަލީލްގެ ނަމަށް އެ ފްލެޓް ބަދަލުކުރުމަށް ސިވިލް ކޯޓަށް ހުށަހަޅާފަ އެވެ.
ކޯޓުން މިމަހުގެ ހަތްވަނަ ދުވަހު ވަނީ 1،235 އަކަފޫޓްގެ އެ ފްލެޓްގެ މިލްކުވެރިކަން ހަލީލުގެ ނަމަށް ބަދަލުކުރައްވައި މައްސަލަ ނިންމާފަ އެވެ.
ހަލީލަކީ އަމިއްލަ ވިޔަފާރި ކުރައްވާ ބޭފުޅެއްގެ އިތުރުން އަތޮޅުވެރިކަމާއި ނިލަންދޫ ދާއިރާގެ މަޖިލިސް މެންބަރުކަންވެސް ކުރިން ކުރައްވާފައިވާ ބޭފުޅެކެވެ.