ދުނިޔޭގެ އެންމެ ކުރިއަރާފައިވާ މިއުޒިކް ސްޓްރީމިން ޕްލެޓްފޯމްތަކުގެ ތެރެއިން އެއް ޕްލެޓްފޯމް ކަމަށްވާ ޖިއޯސާވަން، އުރީދޫގެ މުނިފޫހިފިލުވުމުގެ މަރުކަޒު ކަމުގައިވާ އެންޓަޓެއިނިއާއަށް އިތުރުކޮށްފި އެވެ.
މި ޕާޓްނާޝިޕްއާއެކު އުރީދޫގެ ކަސްޓަމަރުންނަށް 16 ބަހަކުން 80 މިލިއަނަށްވުރެ ގިނަ ލަވަތަކާއި ޕޮޑްކާސްޓްތަކާއި ހާއްސަ ކޮންޓެންޓްތައް ހިމެނޭ ޖިއޯސާވަންގެ ކެޓަލޮގަށް ފަސޭހަކަމާއެކު ސަބްސްކްރިޕްޝަން ލިބި މުނިފޫހިފިލުވުމުގެ ތަޖުރިބާ އިތުރަށް ފުރިހަމަވެގެންދާނެ އެވެ.
އުރީދޫގެ އެންޓަޓެއިނިއާ ފަރުމާކުރެވިފައިވަނީ ތަފާތު ގިނަ ބާވަތްތަކުގެ މުނިފޫހިފިލުވުމުގެ ޕްލެޓްފޯމްތަކުގެ ހިދުމަތް ފަސޭހަކަމާއެކު ފޯރުކޮށްދިނުމަށެވެ.
މި ހިދުމަތުގައި ޖިއޯސާވަން ހިމެނުމާއެކު ރާއްޖޭގައި މިއުޒިކަށް ލޯބި ކުރާ ފަރާތްތަކަށް ތަފާތު އެކި ވައްތަރުގެ މިއުޒިކް ފަސޭހަކަމާއެކު އަޑު އަހާލުމުގެ އިތުރު ފުރުސަތުތައް ފަހިވެގެންދާނެ އެވެ.
ބޮލީވުޑް ހިޓްސްތަކާއި، ބައިނަލްއަގުވާމީ ޗާޓުތަކުގައި އެންމެ މަތީގައި ހުންނަ ލަވަތަކާއި ސަރަހައްދީ މަގުބޫލު ލަވަތަކާއެކު ޖިއޯސާވަން އިން ހުރިހާ އެންމެންނަށްވެސް އެކަށީގެންވާ ކޮންޓެންޓް ލިބެން ހުރެއެވެ.
މި ޕްލެޓްފޯމް ފަރުމާކޮށްފައިވަނީ ބޭނުންކުރާ ފަރާތްތަކަށް ކަމުދާ ލަވަތައް ހިމަނައިގެން ހާއްސަ ޕްލޭލިސްޓްތައް ހެދުމާއި އާ އާޓިސްޓުން ދެނެގަތުމާއި، އެކި ބާވަތްތަކުގެ މިއުޒިކް އަޑުއެހުމުގެ ފުރުސަތު ފަސޭހަކަމާއެކު ލިބިގެންދާނެ ގޮތަށެވެ.
ޖިއޯސާވަން އިން ލަވަ އާއި ޕޮޑްކާސްޓް އަޑުއަހަން ބޭނުންވާ އުރީދޫ ކަސްޓަމަރުންނަށް އެއް މަހުގެ ހިލޭ ޕްރީމިއަމް ޖިއޯސާވަން ސަބްސްކްރިޕްޝަނަކާއެކު 50 ޖީބީ ޑޭޓާ އެންމެ 250 ރުފިޔާއަށް އުރީދޫ އެންޓަޓޭނިއާ ނުވަތަ އުރީދޫ އެޕް މެދުވެރިކޮށް އެކްޓިވޭޓްކޮށްލެވޭނެ އެވެ.
މި ޕާޓްނަޝިޕަކީ ކަސްޓަމަރުންގެ އީޖާދީ ޑިޖިޓަލް ހައްލުތަކާއި ތަފާތު ތަޖުރިބާތައް ފަހިކޮށްދިނުމަށް އުރީދޫއިން ކުރާ މަސައްކަތުގެ ތެރެއިން ވެވިފައިވާ ޕާޓްނަރޝިޕް އެކެވެ.