ދިވެހިރާއްޖޭގެ އިސްލާމިކް ޔުނިވާސިޓީ (އައިޔޫއެމް)ގައި ތިން ބަހުން މުހާތަބުކުރާ ކޯލް ސެންޓަރެއް ތައާރަފުކޮށްފި އެވެ.
މިއީ ތިން ބަހުން މުހާތަބުކުރާ ރާއްޖޭގެ ފުރަތަމަ ކޯލް ސެންޓަރެވެ.
އައިޔޫއެމް އިން ތައާރަފުކުރި މި ކޯލް ސެންޓަރުގައި ދިވެހި، އިނގިރޭސި އަދި އަރަބި ބަހުން ދަރިވަރުންނާއި ބެލެނިވެރިންގެ އިތުރުން މައުލޫމާތު ހޯދުމަށް ގުޅާ މީހުންނަށް މުހާތަބުކުރާނެ އެވެ.
އައިޔޫއެމްގެ ހޮޓްލައިން 1405 މެދުވެރިކޮށް މި ކޯލްސެންޓަރަށް ގުޅޭނެ އެވެ.
މި ކޯލް ސެންޓަރު އިފްތިތާހު ކުރުމުގެ ރަސްމިއްޔާތު ޝަރަފުވެރި ކޮށްދެއްވީ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ މެނޭޖިން ޑިރެކްޓަރު ޝަރީފު މުހައްމަދު އެވެ.
އައިޔޫއެމް އަކީ ބޭރުގެ ދަރިވަރުން ތައުލީމް އުނގެނުމަށް އަންނަ ތަނަކަށް ހެދުމަކީ މިސަރުކާރުގެ އަމާޒެކެވެ.