މަތީ ތައުލީމު ހާސިލް ކުރާ ދިވެހި 32 ދަރިވަރަކަށް ޗައިނައިން އެހީ ދީފި އެވެ.
ގައުމީ ޔުނިވާސިޓީގައި އިއްޔެ ބޭއްވި ބާސާ އެވޯޑު ދިނުމުގެ ރަސްމިއްޔަތުގައި ޗައިނާއިން ދޭ ބާސާ އެވޯޑު ދިވެހި 32 ދަރިވަރަކަށް ވަނީ ދީފަ އެވެ.
ބަސާ އެވޯޑަކީ މަތީ ތައުލީމު ހާސިލްކުރާ ދަރިވަރުންނަށް ޗައިނާގެ ސަރުކާރުން ދޭ އެވޯޑެކެވެ. މިއެވޯޑުގެ ދަށުން ކޮންމެ ދަރިވަރަކަށް 10،000 ރުފިޔާ ދީފައިވެ އެވެ. އެހީ ދީފައިވަނީ މޯލްޑިވްސް ނެޝަނަލް ޔުނިވަސިޓީ (އެމްއެންޔޫ) އާއި އިސްލާމިކް ޔުނިވާސިޓީ އޮފް މޯލްޑިވްސް (އައިޔޫއެމް)އިން ހޮވާލެވުނު ދަރިވަރުންތަކަކަށެވެ.
ޗައިނާއަކީ ރާއްޖޭގެ ތަރައްގީގައި ވަރަށް ގިނަ ދާއިރާތަކަކުން ބޮޑެތި އެހީތަކެއް ދޭ ގައުމެކެވެ. މަތީތައުލީމުގެ ސްކޮލާޝިޕްގެ ފުރުސަތުތަށްވެސް ޗައިނާ އިން ފަހިކޮށްދެ އެވެ.
މިރަސްމިއްޔަތުގައި ދަރިވަރުންނަށް އެހީ ހަވާލުކޮށްދެއްވީ ޗައިނާއިން ރާއްްޖެ އަށް ކަނޑައަޅުއްވާފައި ހުންނަވާ ސަފީރު ވޭންގް ލިޒިން އެެވެ.