ދިރާގު މޯލްޑިވްސް ރޯޑް ރޭސްގެ ވަނަތަކަށް ދިޔަ ފަރާތްތަކަށް އިނާމު ހަވާލުކޮށްފި

ދިރާގު މޯލްޑިވްސް ރޯޑް ރޭސް (ޑީއެމްއާރްއާރް) 2024 ވަނަތަކަށް ދިޔަ ފަރާތްތަކަށް ދިރާގުން އިނާމު ހަވާލުކޮށްފި އެވެ.

އެގޮތުން ޑީއެމްއާރްއާރްގެ 21.1ކޭ ކެޓެގަރީގެ ޗެމްޕިއަންއަށް 25,000 ރުފިޔާގެ ފައިސާގެ އިނާމު ދިރާގުން ހަދިޔާކޮށްފައިވާއިރު ރަނަރަޕްއަށް 15,000 ރުފިޔާ އަދި ސެކަންޑް ރަނަރަޕްއަށް 10,000 ރުފިޔާގެ އިނާމު ވަނީ ދީފައެވެ.

ރޭހުގައި 5ކޭ އާއި 10ކޭ އޯޕަން އަދި 5ކޭ އޮފީސް/ރިސޯޓް ކެޓެގަރީތަކުގެ ޗެމްޕިއަނުންނަށް 10,000 ރުފިޔާ، ރަނަރަޕްއަށް 8,000 ރުފިޔާ އަދި ސެކަންޑް ރަނަރަޕްއަށް 6,000 ރުފިޔާގެ ފައިސާގެ އިނާމުވެސް ވަނީ ހަވާލުކޮށްފަ އެވެ.

މީގެ އިތުރުން 5ކޭ ސްކޫލް ކެޓެގަރީގެ ވަނަތައް ހާސިލްކުރި ދަރިވަރުންނަށް ވަނީ ހާއްސަ ގިފްޓް ވައުޗާ ހަވާލުކޮށްފަ އެވެ. އެއީ ޗެމްޕިއަނުންނަށް 5,000 ރުފިޔާ، ރަނަރަޕްއަށް 3,000 ރުފިޔާ އަދި ސެކްންޑް ރަނަރަޕް އަށް 1,000 ރުފިޔާގެ ވައުޗަރުތަކެވެ.

މި ހާއްސަ ހަފްލާގައި ދިރާގުން ވަނީ 21.1ކޭ އަދި 10ކޭ ކެޓެގަރީތަކުން 45 އިން 50 އަހަރާއި، 51 އިން 55 އަހަރާއި، 56 އިން 60 އަހަރު އަދި 61 އިން 65 އަހަރުގެ އުމުރުފުރާތަކުން އެއްވަނަ، ދެވަނަ އަދި ތިންވަނައަށް ދިޔަ ފަރާތްތަކުގެ އަގުވަޒަންކޮށް ހާއްސަ ސެޓްފިކެޓް ހަވާލުކޮށްފަ އެވެ.

މި ހަފްލާގައި ވާހަކަ ދައްކަވަމުން ދިރާގުގެ ސީއީއޯ އަދި މެނޭޖިންގް ޑިރެކްޓަރު، އިސްމާއިލް ރަޝީދު ވަނީ އެކި ވަނަތަކަށް ހޮވުނު ފަރާތްތަކަށް މަރުހަބާ ދަންނަވައި ދުވުންތެރިން ހޯދި ކާމިޔާބީއަށް ތައުރީފް ކުރައްވާފަ އެވެ. އަދި ދިރާގު މޯލްޑިވްސް ރޯޑް ރޭހަކީ ރާއްޖޭގެ ދުވުންތެރިންގެ އިތުރުން ބައިނަލްއަގްވާމީ ދުވެންތެރިންވެސް އިންތިޒާރު ކުރާ އިވެންޓެއްކަން ފާހަގަކުރެއްވި އެވެ.

މި ދުވުމަކީ ދިރާގުގެ ކޯޕަރޭޓް ސޯޝަލް ރެސްޕޮންސިބިލިޓީ (ސީއެސްއާރު) ޕްރޮގްރާމްގެ މައިގަނޑު އެއް ދާއިރާ ކަމަށްވާ ކުޑަކުދިންގެ ރައްކާތެރިކަމަށްޓަކައި ކުރިއަށް ގެންދާ މުހިންމު ހަރަކާތެއްކަމާއި މިކަމަށް ރޭހުގެ ހުރިހާ ބައިވެރިންގެ ފަރާތުންވެސް ލިބޭ އެއްބާރުލުމަށް ޝުކުރުއަދާކުރެއްވި އެވެ.

ދިރާގުން ވަނީ ރޭގެ ހަފްލާގައި ޖުމްލަ 680،850 ރުފިޔާ ރޯޑް ރޭހުގެ އެންޑޯސްޑް އެން.ޖީ.އޯތަކަށް ހަދިޔާކޮށްފަ އެވެ. އެގޮތުން ރޭހުގެ ބައިވެރިން އެންމެ ގިނައިން ނޮމިނޭޓްކުރި ފަސް އެންޖީއޯއަކަށް ޖުމްލަ 200،000 ރުފިޔާގެ ފައިސާގެ އިނާމު ދިރާގުން ވަނީ ހުށަހަޅާފަ އެވެ.

މީގެ އިތުރުން ބައިވެރިންގެ ރަޖިސްޓްރޭޝަން ފައިސާގެ ބަޔަކާއި ރީތި ބިބް ނަމްބަރު ވިއްކައިގެން ލިބުނު ފައިސާވަނީ ވަނީ ރޯޑް ރޭހުގެ އެންޑޯސްޑް 12 އެންޖީއޯއަށް ހަވާލުކޮށްފައެވެ. މިގޮތުން ޓޮޕް 5 އެންޖީއޯތަކުގެ ތެރެއިން ކޮންމެ އެންޖީއޯއަކަށް 80،071 ރުފިޔާ އަދި ބާކީ ހަތް އެންޖީއޯތަކުގެ ތެރެއިން ކޮންމެ އެންޖީއޯއަކަށް 40،071 ރުފިޔާ ވަނީ ހަދިޔާކޮށްފައިވެ އެވެ.

ދިރާގު މޯލްޑިވްސް ރޯޑް ރޭސް 2024 ގައި އިނާމު ލިބުނު ފަރާތްތައް

21.1ކޭ ފިރިހެން
ސަންތޯޝް ބިކްރަމް ބިސްޓް – ޗެމްޕިއަން
ހުސައިން ފަޒީލް ހާރޫން – ރަނަރަޕް
ޔޫސުފް އިބްރާހިމް – ސެކަންޑް ރަނަރަޕް

21.1ކޭ – އަންހެން
ސަންތޯޝީ ޝްރެސްތާ – ޗެމްޕިއަން
ޝަމްހާ އަހްމަދު – ރަނަރަޕް
ނިޒްމީނާ އަހްމަދު – ސެކަންޑް ރަނަރަޕް

10ކޭ– ފިރިހެން
ހުސެއިން ރިޒާ – ޗެމްޕިއަން
މުހައްމަދު އިރުފާން – ރަނަރަޕް
އަބްދުﷲ ނާސިހު – ސެކަންޑް ރަނަރަޕް

10ކޭ – އަންހެން
އަނާން އަހުމަދު ރަޝީދު – ޗެމްޕިއަން
ރަސޯނާ އަހުމަދު ވަހީދު – ރަނަރަޕް
ޝަލްޝަލް މުބީން ޖަލީލް – ސެކަންޑް ރަނަރަޕް

5ކޭ އޯޕަން – ފިރިހެން
ސަންތޯޝް ބިކްރަމް ބިސްޓް – ޗެމްޕިއަން
ހުސައިން ފަޒީލް ހާރޫން – ރަނަރަޕް
ޔޫސުފް އިބްރާހިމް – ސެކަންޑް ރަނަރަޕް

5ކޭ އޯޕަން – އަންހެން
ސަންތޯޝީ ޝްރެސްތާ – ޗެމްޕިއަން
ޝަމްހާ އަހްމަދު – ރަނަރަޕް
އައިޝަތު ޖިނާނީ އިބްރާހިމް – ސެކަންޑް ރަނަރަޕް

5ކޭ ސްކޫލް 13 އަހަރުން މަތީގެ - ފިރިހެން
އައިދް އަބްދުﷲ ރިފާއު - ޗެމްޕިއަން
ސުހައިލް އަބްދުލް ސަމަދު – ރަނަރަޕް
މުހައްމަދު އަޔާން ޝަފީއު – ސެކަންޑް ރަނަރަޕް

5ކޭ ސްކޫލް 13 އަހަރުން މަތީގެ - އަންހެން
ޒީކް އަޝްރަފް – ޗެމްޕިއަން
ތަނާ އަލީ ޝާހިން – ރަނަރަޕް
އައިޝަތު ޒޯޔާ ހުސެއިން – ސެކަންޑް ރަނަރަޕް

5ކޭ ސްކޫލް 13 އަހަރުން ދަށުގެ - ފިރިހެން
އިސްމާއިލް މުލްހަމް އާޒިމް – ޗެމްޕިއަން
އިބްރާހިމް މަސްރޫރް އަހްމަދު – ރަނަރަޕް
ޔޫއާން ހުސެއިން އިޝާން – ސެކަންޑް ރަނަރަޕް

5ކޭ ސްކޫލް 13 އަހަރުން ދަށުގެ - އަންހެން
ކްލާރާ ސަރީނާ އާސިފް – ޗެމްޕިއަން
އައިޝަތު ޒޯޔާ އިބްރާހިމް ސިނާން – ރަނަރަޕް
އައިރާ މުހައްމަދު އަރްޝަދު – ސެކަންޑް ރަނަރަޕް

5ކޭ އޮފީސް/ރިސޯޓް – ޗެމްޕިއަން
އެމްއެންޑީއެފް
އަބްދުﷲ އިބްރާހިމް
ޝިފާޒް މުހައްމަދު
އަބްދުﷲ ނާސިހް
އަބްދުﷲ އިސްމާއިލް

5ކޭ އޮފީސް/ރިސޯޓް – ރަނަރަޕް
އެމްއެންޑީއެފް – ޑީއެސްސީ
ހަސަން އަފްރާޒް
ސަހާއު އީސާ
ހާޒިމް ހުސައިން ޝަރީފް
އިބްރާހިމް ޝާޒިމް

5ކޭ އޮފީސް/ރިސޯޓް – ރަނަރަޕް
ކޮންރެޑް މޯލްޑިވްސް ( ރަންގަލި ރަނަރސް ޓީ-1)
ހަސަން ފަޔާޒް މޫސާ
އަބްދުﷲ އަޒީމް
އަބްދުލް ރަޝީދު ހުސެއިން
ހުސެއިން ޝަފީގް

ދިރާގު މޯލްޑިވްސް ރޯޑް ރޭހަކީ ރާއްޖޭގައި ކޮންމެ އަހަރަކު ބާއްވާ އެންމެ ބޮޑު ދުވުމުގެ އިވެންޓެވެ.

އެގޮތުން މިއަހަރު މި ބޭއްވި މި ދުވުމުގެ 15 އެޑިޝަން ބާއްވާފައި ވަނީ އޮކްޓޫބަރު 25 ވަނަ ދުވަހު ހުޅުމާލެ ސެންޓްރަލް ޕާކުގައެވެ. 4،400 އަށް ވުރެ ގިނަ ބައިވެރިން މި ދުވުމުގައި ރެޖިސްޓާ ކުރިއިރު 41 ގައުމެއްގެ ދުވުންތެރިން ބައިވެރިވިއެވެ. އަދި 28 ސްކޫލެއްގެ ދަރިވަރުންވެސް ވަނީ ބައިވެރިވެފައެވެ. އޭގެ ތެރޭގައި އަތޮޅު ތެރޭގެ ހަތް ސްކޫލެއްވެސް ހިމެނެއެވެ.

މި ހަފްލާގައި ދިރާގުން ވަނީ އަންނަ އަހަރުގެ ދިރާގު މޯލްޑިވްސް ރޯޑް ރޭސް އޮކްޓޫބަރު 24 ގައި ބާއްވާނެކަމަށްވެސް އިއުލާނުކޮށްފަ އެވެ.

ޑީއެމްއާރްއާރްއަކީ ވޯލްޑް އެތުލެޓިކްސް ސަޓިފައިޑް ރޭސް ރޫޓަކާއެކު އެސޯސިއޭޝަން އޮފް އިންޓަނޭޝަނަލް މެރަތަންސް އެންޑް ޑިސްޓަންސް ރޭސަސް (އެއިމްސް) ވޯލްޑް ރަނިން ކަލަންޑަރުގައި ލިސްޓުކޮށްފައިވާ ދިވެހިރާއްޖޭގެ ހަމައެކަނި ބައިނަލްއަގްވާމީ ދުވުމެވެ.