މަސްވެރިންގެ ދަފްތަރުގައި މިހާތަނަށް 50 ޕަސަންޓަށް ވުރެ ގިނަ މަސްވެރި އުޅަނދުތައް ރަޖިސްޓަރީ ކޮށްފައިވާ ކަމަށް ފިޝަރީޒު މިނިސްޓްރީން ބުނެފި އެވެ.
ފިޝަރީޒް މިސްޓްރީން ބުނީ މަސްވެރިކަމާ ބެހޭ އުޅަނދުތައް ދަފްތަރު ކުރުމަށްޓަކާ ރާއްޖޭގެ އެކި އަަތޮޅުތަކަށް އެ މިނިސްޓްރީގެ ޓީމުތައް ދަތުރު ކޮށްފައިވާ ކަމަށެވެ. އެގޮތުން 11 އަތޮޅަކަށް މިނިސްޓްރީގެ ޓީމުތައް ޒިޔާރަތްކޮށްފައިވެ އެވެ.
މިނިސްޓްރީގެ ޓީމުތައް ޒިޔާރަތް ކުރި އަތޮޅުތައް:
- އައްޑޫ ސިޓީ
- ފުވައްމުލައް
- ގދ. އަތޮޅު
- ގއ. އަތޮޅު
- ލ. އަތޮޅު
- ފ. އަތޮޅު
- ކ. އަތޮޅު
- ބ. އަތޮޅު
- ށ. އަތޮޅު
- ހދ. އަތޮޅު
- ހއ. އަތޮޅު
ފިޝަރީޒް މިނިސްޓްރީން ބުނި ގޮތުގައި މަސްވެރިންގެ ދަފުތަރެއް އޮތުމަކީ މިދާއިރާގައި އުޅޭ ބިދޭސީންގެ ފަރާތުން ރާއްޖެއިން ބޭރަށްދާ ބޭރު ފައިސާ ރާއްޖޭގައި ހިފެހެއްޓުމަށް މަގުފަހި ކުރުވޭނެ ކަމެކެވެ.
މަސްވެރިންގެ ގައުމީ ދަފުތަރެއް އެކުލަވާލުމަކީ ރައީސް މުއިއްޒުގެ ރިއާސީ ވައުދެކެވެ. އެގޮތުން ފެށި މަސްވެރިންގެ ދަފްތަރުގައި ބައިވެރިވުމަށް ހުޅުވާލާފައިވަނީ މިދިޔަ ފެބުރުއަރީ 16 ވަނަ ދުވަހު އެވެ.