އުމުރުން 26 އަހަރުގެ ފާތިމަތު ދަހާ އަޝްރަފް މީގެ ހައެއްކަ އަހަރު ކުރީއްސުރެ ދިޔައީ މުސްތަގުބަލާ މެދު ވިސްނަމުންނެވެ.
މުޖުތަމައު ތެރެއިން ފެންނަމުން ދިޔައީ ވަށައިގެން އުޅޭ ގިނަ ބޮޑެތި މީހުން ރިޓަޔަމަންޓް އުމުރަށް ދިއުމުން މާ ބޮޑު މާލީ ރައްކާތެރިކަމެއް ތައްޔާރުކުރެވިފައި ނުވާ ކަމެވެ. ޕެންޝަނަށް އެކަނި ބަރޯސާވެގެން އިސްރަށްވެއްސެއްގެ ގޮތުގައި އުޅުމަކީ މާ ފަސޭހަ ކަމަކަށް ނުވާނެކަން ދަހާއަށް ފެނުނެވެ. އަމިއްލަ ނަފްސުގެ އިތުރުން ކުޑަ އަންހެން ދަރިފުޅާއި މައިންބަފައިންގެ ކަންކަން ވެސް ބެލެހެއްޓުމުގެ ޒިންމާ މުސްތަގުބަލުގައި ވެސް ޔަގީނުން އަދާކުރެވޭނީ މިހާރުއްސުރެ އެކަމަށް ތައްޔާރުވެ, "ފައިނޭންޝަލް ސޭފްޓީ ނެޓެއް" ވިޔެގެންކަން އޭނާއަށް ވިސްނުނެވެ.
މުސްތަގުބަލަށް ރޭވުމެއް ރާވަން ދަހާއަށް ފަހިވި ފުރުސަތަކީ އެލައިޑް އިންޝުރަންސްގެ "ކަމަނަ" ޕްލޭނެވެ. އަންހެނުންނަށް ޚާއްސަކޮށްގެން ފަހަށް ފައިސާ ރައްކާކުރުމުގެ އިތުރުން ކޮންމެ ދެ އަހަރަކުން އަތަށް ފައިސާ ވެސް ލިބޭގޮތަށް އެލައިޑުން ފަރުމާކޮށްފައިވާ ދިގު މުއްދަތުގެ ލައިފް އިންޝުއަރަންސް ޕްލޭނެވެ. މީގެ ދެ އަހަރެއްހާ ދުވަސް ކުރިން ދަހާ އަޝްރަފް "ކަމަނަ" ޕްލޭނެއް ގަތެވެ.
އެލައިޑްގެ "ކަމަނަ" ޕްލޭނުގެ ދަށުން އެއްކުރެވިފައި ހުންނަ ފައިސާގެ 5 ޕަސަންޓު, ކޮންމެ 2 އަހަރަކުން ދަހާއަށް ލިބޭނެ އެވެ.
މީގެ އިތުރުން މި ޕްލޭނުގެ 20 އަހަރުގެ މުއްދަތު ހަމަވުމުން ނަގާފައިވާ ޕޮލިސީގެ ހުރިހާ ފައިސާއަކާއި އެއިން ނެރެވުނު ބޯނަސް ނުވަތަ އާމްދަނީ ވެސް ދަހާއަށް ލިބޭނެއެވެ. އުމުރުން 40 ގެ އަހަރުތަކުގައި އެ ލިބެނީ މައިންބަފައިންނާއި ދަރިފުޅަށް ޓަކައި އޭނާ އެއްކުރަމުން ދިޔަ ފައިސާއެވެ. ޕްލޭނުގެ 20 އަހަރުގެ މުއްދަތުގެ ތެރޭގައި އޭނާއަށް ކަމެއް ދިމާވެގެން ދުނިޔެ ދޫކުރާ ޙާލަތުގައި ޕޮލިސީގައި ނަގާފައިވާ އަދަދު (މިސާލަކަށް 100,000 ރުފިޔާ) އާއެކު އިތުރު 50 ޕަސަންޓު ހިމެނޭހެން އެކު ޖުމްލަ 150 ޕަސަންޓު, ކަނޑައަޅާފައިވާ ބެނެފިޝަރީއަށް އެލައިޑުން ދޭނެ އެވެ.
"މި ޕްލޭނުން އަޅުގަނޑުގެ އާއިލާ ވެސް ސެކިއޯ ވެއްޖެ. ހުރިހާ ކޮޅަކުން ބެލިޔަސް ވަރަށް ބޮޑު ސޭފްޓީ ނެޓެއް ނެގިފައި މިއޮތީ. މާލީ ރައްކާތެރިކަން. ޖިސްމާނީ ރައްކާތެރިކަން. އަދި އަޅުގަނޑަށް ކޮންމެވެސް ވަރެއްގެ މާލީ މިނިވަންކަމެއް ވެސް," ދަހާ ކިޔައިދިނެވެ.
"ކަމަނަ" ޕްލޭނުގެ މައިގަނޑު ބެނެފިޓްސް ނުވަތަ ފައިދާތަކުގެ އިތުރުން ވެސް އިތުރު "އެޑިޝަނަލް ބެނެފިޓްސް" ތަކެއް ވެސް ހުރެއެވެ. އޭގެ ތެރޭގައި ފުރާނައަށް ނުރައްކާވާ ފަދަ ބައްޔެއް ވެއްޖެނަމަ ޕްލޭނުގެ ޖުމްލަ އަމާޒުގެ 50 ނުވަތަ 100 ޕަސަންޓު ވެސް އެލައިޑުން ދޭނެއެވެ. ނުވަތަ އެކްސިޑެންޓެއް ދިމާވެ ދާއިމީ ނުކުޅެދުންތެރިކަމެއް ދިމާވެއްޖެ ނަމަ ނުވަތަ ދުނިޔެ ދޫކޮށްފި ނަމަ ވެސް ޕްލޭނުގެ ޖުމްލަ އަމާޒާ އެއްވަރަށް ފައިސާ ދޭނެއެވެ. މި ހުރިހާ އެޑިޝަނަލް ބެނެފިޓްތައް ވެސް ދަހާ ވަނީ އޭނާގެ "ކަމަނަ" ޕްލޭނުގައި ހިމަނައި, މުސްތަގުބަލަށް. ވަރަށް ފުރިހަމަ މާލީ ރައްކާތެރިކަމުގެ ފަށަލައެއް އޭނާގެ އާއިލާއަށް ފޯރުކޮށްދީފައެވެ.
އެލައިޑްގެ "ކަމަނަ" ޕްލޭނާއެކު ދަހާ މިއަދު ހުރީ ވަރަށް ހަމަޖެހިފައެވެ. އާއިލާއެއް ބަލަހައްޓަމުން, ވަޒީފާއަށް ދަމުން އަދި ގޭގައި ހުސްވަގުތު ހިންގާ ކޭކު އެޅުމުގެ ވިޔަފާރި ހުށިޔާރުކަމާއި ހީވާގިކަމާއެކު ކުރަމުން ދަނީ ހިތްހަމަޖެހުމާއެކުގައެވެ.
ސެޕްޓެމްބަރު 1 ވަނަ ދުވަހުން ފެށިގެން އެލައިޑް އިންޝުއަރަންސުން ގެންދަނީ ލައިފް އިންޝުއަރަންސް ޕްލޭންތަކުގެ ޚާއްސަ ޕްރޮމޯޝަނެއް ހިނގަމުންނެވެ. މި ޕްރޮމޯޝަނުގެ ދަށުން 1 ސެޕްޓެމްބަރުން ފެށިގެން ލައިފް އިންޝުއަރަންސް ޕްލޭނެއް ގަންނަ ފުރަތަމަ 50 ކަސްޓަމަރުންނަށް ޕްލޭނުގެ ފުރަތަމަ މަހުގެ ޕްރީމިއަމުން 50 ޕަސަންޓުގެ ޑިސްކައުންޓެއް ލިބޭނެ އެވެ.