ހޮލީވުޑްގެ މަޝްހޫރު އެކްޓްރެސް މިލީ ބޮބީ ބްރައުން ކައިވެނި ކުރި ދުވަހުގެ ފޮޓޯތައް ދައްކާލައިފި އެވެ.
ސްޓްރޭންޖާ ތިންގްސް ސީރީޒް އިން މަޝްހޫރުކަން ލިބުނު މިލީއާއި އޭނާގެ ފިރިމީހާ ޖޭކް ބޮޮންޖިއޯވީ ކައިވެނި ކުރީ މި އަހަރުގެ މެއި މަހުގެ ތެރޭގަ އެވެ. ޖޭކް އަކީ ވެސް ހޮލީވުޑްގެ އެކްޓަރެކެވެ.
ދެ މީހުން އިޓަލީގައި ކުރި ކައިވެންޏަށްފަހު ނެގި ފޮޓޯތައް އިއްޔެ ވަނީ ފޭނުންނަށް ދައްކާލާފަ އެވެ.
ފޮޓޯތަކުގައި ރީތި ހުދު ހެދުމެއްގައި މިލީ ފެނިގެންދެ އެވެ. އަދި ހުދު ސޫޓެއް ލައިގެން ހުރި ޖޭކްގެ އަތުގައި ހިފައިގެން ހުރި ފޮޓޯތަކެއްވެސް ވަނީ ހިއްސާކޮށްފަ އެވެ.
ފޮޓޯތަކުގެ ކެޕްޝަނުގައި މިލީ ވަނީ ލަވަކިޔުންތެރިޔާ ޓެއިލާ ސްވިފްޓްގެ ލަވައަކާ ގުޅުވާލައިގެން "އަބަދަށްޓަކައި އަބަދުވެސް ތިބާގެ އަންހެނުން،" ގޮތުގައި ހުންނާނެ ކަމަށް ލިޔެފަ އެވެ.
ދެމަފިރިން ކައިވެނީގެ ހަފްލާ ބޭއްވީ މިދިޔަ މެއިި މަހުގެ ތެރޭގައި ހަމައެކަނި ގާތް ރައްޓެހިންނާއި އާއިލާގެ މެމްބަރުންނާ އެކު އެވެ.