ރާއްޖޭގެ އެންމެ ބޮޑު އިދިކޮޅު ޕާޓީ -- އެމްޑީޕީގެ ރައީސް އަބްދުﷲ ޝާހިދު، އދގެ ސެކްރެޓަރީ ޖެނެރަލް އެންޓޯނިއޯ ގުޓާރޭޒްއާ ބައްދަލުކުރައްވައިފި އެވެ.
ޝާހިދު އެކްސްގައި ކުރެއްވި ޕޯސްޓެއްގައި ވިދާޅުވީ އދ އަށް ޒިޔާރަތް ކުރެއްވުމަކީ ލިބިވަޑައިގެންނެވި ފަހުރެއް ކަމަށެވެ.
އދގެ ސެކެޓްރީ ޖެނެރަލްއާ އެކު ބޭއްވެވި ބައްދަލުކުރެއްވުމުގައި އިންޓަނޭޝަނަލް ކޮމިއުނިޓީސް އޯގަނައިޒޭޝަން (އައިސީއޯ)އާ އެކު ކުރައްވަމުން ގެންދަވާ މަސައްކަތްތަކުގެ މައުލޫމާތު ހިއްސާކުރެއްވެވި ކަމަށްވެސް ވިދާޅުވި އެވެ.
އައިސީއޯ އަކީ ބައިބައިވެފައިވާ މުޖުތަމައުތަކުގައި ޑިޕްލޮމެޓިކް މަސައްކަތްތަކެއް ކޮށްގެން އެއްބައިވަންތަކަށް ގާއިމުކުރުމަށް މަސައްކަތް ކުރާ ބައިނަލްއަގްވާމީ ޖަމިއްޔާ އެކެވެ.
މި ބައްދަލުކުރެއްވުމުގައި އދގައި ހުންނަވާ ރާއްޖޭގައި ހުންނަވާ ދާއިމީ މަންދޫބު ޑރ. އަލީ ނަސީރު މުހައްމަދު ވެސް ބައިވެރިވެވަޑައިގެންނެވި އެވެ.
ނިމިގެން ދިޔަ އެމްޑީޕީގެ ސަރުކާރުގައި ފޮރިން މިނިސްޓަރުކަން ކުރެއްވި ޝާހިދަކީ އދގެ އާންމު މަޖިލީހުގެ ރައީސްގެ މަގާމުވެސް މީގެކުރިން ފުރުއްވި ބޭފުޅެކެވެ.