ޗައިނާއިން ރާއްޖެއަށް އެކްސްޕޯޓް ކުރި މުދަލުގެ އަގު 20 ޕަސަންޓް އިތުރު ވެފައިވާ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އާއްމު ކުރި ތަފާސްހިސާބު ތަކުން ދައްކައިފި އެވެ.
މިހިސާބުތަކަށް ބަލާއިރު މިއަހަރު އެންމެ ގިނައިން ރާއްޖެއަށް މުދާ އެތެރެ ކޮށްފައިވަނީ ޔުނައިޓެޑް އަރަބި އެމިރޭޓްސް އިންނެވެ.
ދެވަނަ އަށް އެންމެ ގިނައިން އިންޑިއާ އިން މުދާ އެތެރެ ކޮށްފައިވާއިރު، ތިންވަނައަށް އެންމެ ގިނައިން މުދާ އެތެރެ ކޮށްފައިވަނީ ޗައިނާ އިންނެވެ.
މުދާ އެތެރެ ކޮށްފައިވާ ނިސްބަތަށް ބަލާއިރު މިއަހަރު ޗައިނާއިން ރާއްޖެއަށް މުދާ އެތެރެ ކޮށްފައިވާ މިންވަރު ވަނީ 20 ޕަސެންޓް އިތުރު ވެފަ އެެވެ. އެގޮތުން މިދިޔަ އަހަރު ޗައިނާ އިން 254.7 މިލިއަން ޑޮލަރުގެ މުދާ އެތެރެ ކޮށްފައިވާއިރު މިއަހަރު 307.7 މިލިއަން ޑޮލަރުގެ މުދާ ޗައިނާއިން ރާއްޖެއަށް އެތެރެ ކޮށްފައިވެ އެވެ.
އެމްއެމްއޭގެ ތަފާސްހިސާބުތަކުން ދައްކާ ގޮތުން ނިމުނު އަހަރު އެންމެ ގިނައިން ރާއްޖެއަށް މުދާ އެތެރެ ކުރި އިންޑިއާ އިން މިއަހަރު ރާއްޖެއަށް އެތެރެ ކޮށްފައިވަނީ 350.4 މިލިޔަން ޑޮލަރުގެ މުދަލެވެ. އެކަމަކު މިދިޔަ އަހަރު އިންޑިއާ އިން ރާއްޖެއަށް 366.6 މިލިއަން ޑޮލަރުގެ މުދާ އެތެރެ ކޮށްފައިވެ އެވެ.
ނަމަވެސް ސަރުކާރުން މިހާރު އިންޑިއާ އާއި އެކު އޮންނަ ގުޅުން ބަދަހިކޮށް އެ ގައުމާއެކު އިގްތިސާދީ ދާއިރާ އިން ހާއްސަ އެއްބަސްވުންތަކެއް ހަދަމުންދާތީ އިންޑިއާ އިން ރާއްޖެއަށް އެތެރެކުރާ މުދާ ކުރިއަށް އޮތް ދުވަސްތަކުގައި އިތުރުވާނެ ކަމަށް ބެލެވެ އެވެ.