އޭއެފްސީ ޗެލެންޖް ލީގުގައި މާޒިއާ ސްޕޯޓްސް އެންޑް ރެކްރިއޭޝަނުން ކުޅުނު ފުރަތަމަ މެޗުގައި ތުރުކުމެނިސްތާނުގެ އަރްކަޑަގްއާ ދެކޮޅަށް 2-1 އިން ބަލިވެއްޖެ އެވެ.
ކުވެއިތުގެ އަލް ކުވެއިތު ސްޕޯޓްސް ކްލަބުގައި ކުޅުނު މި މެޗުގައި މާޒިޔާއިން ފުރަތަމަ ލަނޑު ކާމިޔާބުކުރި ނަމަވެސް ދެވަނަ ހާފުގައި އަރްކަޑަގުން ވަނީ ދެ ލަނޑު ޖަހައި މެޗު ކާމިޔާބުކޮށްފަ އެވެ.
މެޗުގެ ފުރަތަމަ ލަނޑު މާޒިޔާއަށް ކާމިޔާބުކޮށްދިނީ ފަލަސްތީނުގެ މިޑްފީލްޑަރު ޖޮނަތަން ކެންޓިލާނާ އެވެ. އެހެންނަމަވެސް ދެވަނަ ހާފުގައި އަރްކަޑަގުގެ ޑިޑާ ޑުރްޑިއޭވް އާއި އަންނަޑުރްޑިއޭވް ވަނީ އެ ޓީމަށް ލަނޑު ޖަހައިދީފަ އެވެ.
މާޒިއާ ހިމެނޭ ގްރޫޕް ބީގައި އަރްކަޑަގުގެ އިތުރުން ކުވެއިތުގެ އަލް އަރަބީ އާއި ކިރްގިސްތާން އެފްސީ އަބްދީޝް އާޓާ ހިމެނެ އެވެ. މާޒިއާގެ ދެވަނަ މެޗު އޮންނާނީ އަންގާރަ ދުވަހު އަލް އަރަބީއާ ދެކޮޅަށެވެ.
ޗެލެންޖް ލީގުގެ ވެސްޓް ޒޯނުގެ ތިން ގްރޫޕުން އެއްވަނަ ހޯދާ ޓީމުތަކާއި، ދެވަނަ ހޯދާ ޓީމުތަކުގެ ތެރެއިން އެންމެ ރަނގަޅު އެއް ޓީމަށް ކުއާޓަ ފައިނަލުގެ ޖާގަ ލިބޭނެ އެވެ.