މޯލްޑިވްސް ކަސްޓަމްސް ސާވިސް

ރާއްޖެ އެތެރެކުރި 1.5 މިލިއަނަށްވުރެ ގިނަ ސިނގިރޭޓު އަތުލައިގެންފި

ކަސްޓަމްސްއިން އަތުލައިގެންފައިވާ ސިނގިރޭޓް -- ފޮޓޯ: ކަސްޓަމްސް
0%
0%
0%

ހޯކްސް ޕްރައިވެޓް ލިމިޓެޑްގެ ބޯޓެއްގައި ރާއްޖެ އެތެރެކުރި ގާތްގަނޑަކަށް 1.695 މިލިއަން ސިންގިރޭޓް ސްޓިކްސް މޯލްޑިވްސް ކަސްޓަމްސް ސާވިސްއިން އަތުލައިގެންފި އެވެ.

ކަސްޓަމްސްއިން ބުނީ ހޯކްސްގެ އެޖެންޓުކަމުގެ ދަށުން މިމަހުގެ 24ވަނަ ދުވަހު ރާއްޖެ އައި "އެމް.ޓީ ހޯކްސް ޖަވާހިރު" ނަމަކަށް ކިޔާ ބޯޓަކުން ގިނަ އަދަދެއްގެ ސިނގިރޭޓް އެތެރެކުރަން އުޅޭކަމުގެ މައުލޫމާތު ކަސްޓަމްސްއަށް ލިބުނީ މިމަހުގެ 25ވަނަ ދުވަހުގެ ރޭ ކަމަށެވެ. އަދި އެ މައުލޫމާތާ ގުޅިގެން ހިންގި ހާއްސަ އޮޕަރޭޝަނެއްގެ ތެރެއިން އެ ތަކެތި ކަސްޓަމްސްގެ ބެލުމުގެ ދަށަށް ގެންގޮސްފައިވާ ކަމަށެވެ.

ކަސްޓަމްއިން ބުނި ގޮތުގައި އެތަކެތި ރާއްޖެ އެތެރެކުރުމަށްފަހު ވަނީ އެ ކުންފުނީގެ ލޯކަލް ދޯންޏެއް ކަމަށްވާ "ހޯކްސް ރޯދި" އަށް އެތަކެތި އަރުވާ، ކ. ތިލަފުއްޓަށް ގެނެސްfފަ އެވެ. އަދި އެކުންފުނީގެ ނަމުގައި ރަޖިސްޓަރީކޮށްފައިވާ ޓްރަކަކަށް އެތަކެތި އަރުވައިގެން ތިލަފުށީގައި ހުންނަ ހޯކްސް ކުންފުނީގެ ބޯޓު ޔާޑަށް ގެންގޮސްފައިވެ އެވެ. އެއީ 25ވަނަ ދުވަހުގެ ރޭ 10:00 ހާއިރު އެވެ.

ބޯޓު ޔާޑުގައި އިތުރަށް ސިނގިރޭޓު ހުރި ކަމަށް ޝައްކުކުރެވިގެން ކޯޓު އަމުރެއްގެ ދަށުން އެތަން ބަލާ ފާސްކުރުމުގެ މަސައްކަތް މިހާރު ކަސްޓަމްސްއިން ދަނީ ކުރަމުންނެވެ. އަދި ބަލާ ފާސްކުރުމުގެ ތެރެއިން މިހާތަނަށް އެތަނުގައި ހުރި އެކޮމަޑޭޝަނުންނާއި ވޯކްޝޮޕުން މެންޗެސްޓާ ބްރޭންޑުގެ ގާތްގަނޑަކަށް 1.695 މިލިއަން ސިނގިރޭޓް ސްޓިކްސް ފެނިފައިވާކަމަށް ކަސްޓަމްސްއިން މައުލޫމާތުދެ އެވެ.

މި މައްސަލައަކީ ރާއްޖެއަށް ސިއްރުން މުދާ އެތެރެކުރަން އުޅުނުކަމަށް ތުހުމަތުކުރެވޭ މައްސަލައަކަށްވާތީ ކަސްޓަމްސްއިން ވަނީ މައްސަލައިގެ ތަހުގީގެއް ފަށާފަ އެވެ.

ކަސްޓަމްސްއިން ބުނީ އެއިދާރާއަށް ލިބޭ އިންޓެލިޖެންސް މަޢުލޫމާތާއި އެ އިދާރާގެ ހިރާސް ނިޒާމުގެ ތެރެއިން ކަނޑައެޅޭ ގޮތެއްގެ މަތިން އަމަލުކުރާނެ ކަމަށާއި ރާއްޖެއަށް އެތެރެކުރެވޭ މުދަލާގުޅޭގޮތުން ކަސްޓަމްސްގެ ގާނޫނު ތަންފީޒްކުރުމުގައި ކަސްޓަމްސްއިން ފަސްނުޖެހޭނެ ކަމަށެވެ.

ކަސްޓަމްސްއިން މިފަދަ ހާއްސަ އޮޕަރޭޝަންތައް ހިންގަނީ ފުލުހުންނާއި މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް)ގެ ކޯސްޓް ގާޑުގެ އެހީތެރިކަމާއެކުގަ އެވެ.

Send us your opinion
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!
April
SunMonTueWedThuFriSat
303112345678910111213141516171819202122232425262728293012345678910