ބިންވެރިޔާ ސްކީމްގެ ދަށުން މިދިޔަ އަންގާރަ ދުވަހު ދުވަހު އަލުން ގުރުއަތު ލައިގެން ދޫކޮށްފައިވާ ގޯތިތަކުގެ ގުރުއަތު ނެގިއިރު ދިމާވި އެއްވެސް ކަމަކާ ގުޅިގެން ޝަކުވާއެއް އޮތް ނަމަ ޝަކުވާ ހުށަހެޅުމަށް ހައުސިން މިނިސްޓްރީން މިއަދު ހުޅުވާލައިފި އެވެ.
ޝަކުވާ ހުށަަހަޅަންޖެހެނީ ހައުސިން މިނިސްޓްރީގެ ޕޯޓަލް މެދުވެރިކޮށެވެ.
މިފުރުސަތު ހުޅުވާލާފައިވަނީ ކުރިއަށް އޮތް ނޮވެމްބަރު މަހުގެ ހަތްވަނަ ދުވަހުގެ މެންދުރުފަހު 3:00ގެ ކުރިންނެވެ.
ގުޅީފަޅުން ދޫކުރާ ގޯތީގެ ތަފްސީލް:
- 1250 އަކަފޫޓުގެ 669 ގޯތި
- 1650 އަކަފޫޓުގެ 1234 ގޯތި
- 2050 އަކަފޫޓުގެ 916 ގޯތި
- 2450 އަކަފޫޓުގެ 473 ގޯތި
- 2850 އަކަފޫޓުގެ 158 ގޯތި
- 3250 އަކަފޫޓުގެ 49 ގޯތި
- 3650 އަކަފޫޓުގެ 21 ގޯތި
ހައުސިން މިނިސްޓރީން ބުނީ ގުޅީފަޅުގެ ލޭންޑް ޔޫޒް ޕްލޭނަށް އައިސްފައިވާ ބަދަލާ ގުޅިގެން ގުޅީފަޅުން ގޯތި ލިބިފައިވާ ފަރާތްތަކުގެ ގޯތީގެ ލޮކޭޝަނަށް ބަދަލު އައިސްފައިވާނެ ކަމަށެވެެ. އެހެންވެ މިހާތަނަށް ގުޅީފަޅުން ބިން ހަވާލުނުކުރެވިވާ ފަރާތްތަކާއި ގިރާވަރުފަޅުން ލިބިފައިވާ ގޯތިތައް ގުޅީފަޅަށް ބަދަލުކުރަން ހުށަހެޅި މީހުންގެ ގޯތީގެ ގުރުއަތުލުންވެސް ކުރިއަށް ގެންގޮސްފައިވެ އެވެ.
ގުޅީފަޅުން ގޯތި ލިބޭ ފަރާތްތަކުގެ ގުރުއަތު ނަގާ ނިމުމުން ގޯތިތަކުގެ ރަޖިސްޓްރީއާއި ގޯތި ލިބޭ ފަރާތްތަކާއެކުގައިވާ އެއްބަސްވުންތަކާ ގުޅޭ މައުލޫމާތު ފަހުން ހިއްސާކުރާނެ ކަމަށްވެސް ހައުސިން މިނިސްޓްރީން ބުނެފައިވެ އެވެ.