ސައުދީ ޕްރޯ ލީގުގައި މިހާރު އެއްވަނައިގައި އޮތް އަލް ހިލާލް އިން މި ސީޒަނުގައި ވިދިވިދިގެން 8 މެޗު މޮޅުވުމަށްފަހު ރޭ އަލް ނަސްރާ އެކު ކުޅުނު މެޗު 1-1 އިން އެއްވަރުވެއްޖެ އެވެ.
ރިޔާދުގައި ކުޅުނު މި މެޗުގައި އަލް ނަސްރުން ލީޑުނެގީ މެޗު ފެށިގެން އެންމެ ފުރަތަމަ މިނެޓްގައި އެންޑަސަން ޓަލިސްކާ ކާމިޔާބުކޮށްދިން ލަނޑުންނެވެ. ނަމަވެސް މެޗުގެ 77 ވަނަ މިނެޓްގައި ސާބިޔާގެ މިލިންކޮވިޗް ޖެހި ލަނޑުން އަލް ހިލާލް އިން މެޗު އެއްވަރުކުރި އެވެ.
މި މެޗާ އެކު ލީގުގައި މިހާތަނަށް ކުޅުނު 9 މެޗުން އަލް ހިލާލަށް 25 ޕޮއިންޓް ލިބި އެއްވަނައިގައި އޮތް އިރު، 24 ޕޮއިންޓާ އެކު އަލް އިއްތިހާދު ދެވަނައިގައި އަދި 19 ޕޮއިންޓާ އެކު އަލް ނަސްރު އޮތީ ތިންވަނައިގަ އެވެ.
ނަން މަޝްހޫރު ގިނަ ކުޅުންތެރިންތަކެއް ހިމެނޭ މި ދެ ޓީމުގެ ކުރިމަތިލުމަކީ ސައުދީ ޕްރޮ ލީގުގައި އެންމެ ގިނަ ބައެއްގެ ސަމާލުކަން ހޯދާ އެއް މެޗެވެ.