ގަވާއިދާ ހިލާފަށް އުޅޭ ބިދޭސީން ހޯދުމުގެ މަސައްކަތުގެ ތެރެއިން ވިސާ ނެތި ހުޅުމާލޭގައި އުޅުނު ބިދެސީން ތަކެއް މޯލްޑިވްސް އިމިގުރޭޝަނުން އަތުލައިގެންފި އެވެ.
އިމިގުރޭޝަނުން ބުނީ ފާއިތުވި ދެ ދުވަހު ހުޅުމާލޭގައި ބަލައި ފާސްކުރުމުގެ ހަރަކާތްތަކެއް ކުރިއަށް ގެންގޮސްފައިވާނެ ކަމަށެވެ.
ބަލަައި ފާސްކުރި ސަރަހައްދުތަކުން ބިދޭސީ ހަތް ފިރިހެނަކު އިމިގުރޭޝަންގެ ބެލުމުގެ ދަށަށް ގެންދިޔަ ކަމަށާއި އެމީހުންގެ އަތުގައި ސައްހަ ވިސާއެއް ނެތް ކަމަށް އިމިގްރޭޝަނުން ބުންޏެވެ.
އިމިގްރޭޝަނުން ގެންދަނީ ގަވާއިދާ ހިލާފަށް އުޅޭ ބިދެސީން ހޯދުމުގެ މަސައްކަތް މާލެ ސަރަހައްދާއި އަތޮޅު ތެރޭގައިވެސް ފަށާފަ އެވެ.
އިމިގްރޭޝަނުން ބުނެފައިވާ ގޮތުގައި މިދިޔަ އަހަރުގެ ނޮވެމްބަރު 17 އިން ފެށިގެން މިއަހަރުގެ މިހާތަނަށް 4،300 އަށް ވުރެ ގިނަ ބިދޭސީން ޑީޕޯޓްކޮށްފައިވެ އެވެ.