މެދުއިރުމަތީގެ މާކެޓިންގެ އެންމެ ވަރުގަދަ މީހުންގެ ނަން ލިސްޓުގައި ރާއްޖޭގެ ނީނާ މުހައްމަދުގެ ނަން ހިމެނިއްޖެ އެވެ.
މާކެޓިންގެ އެންމެ ވަރުގަދަ މީހުންގެ ނަން ލިސްޓުގައި 101 ވަނައިގައި ނީނަގެ ނަން މިހާރު އޮތް އިރު މެެދުއިރުމަތީގެ އެންމެ ނުފޫޒުގަދަ 30 ޕީއާރް ހޮސްޕިޓަލިޓީ ހޮޓްޝޮޓުގައިވެސް ނީނާ ހިމެނެ އެވެ. މިއީ މިލިސްޓުގައި ދިވެއްސެއްގެ ނަން ހިމެނުނު ފުރަތަމަ ފަހަރެވެ.
މާކެޓިންގެ ދާއިރާގައި ނީނާ މަސައްކަތް ކުރައްވަތާ 13 އަހަރު ވެފައިވާއިރު ބޮޑެތި ކުރިއެރުންތަކެއް އެ ދާއިރާގައި އޭނާ ވަނީ ހޯދާފަ އެވެ.
ނީނާއަށް 2014 ވަނަ އަހަރު މާކެޓީންގެ ދާއިރާއަށް އިން ލިބުނު ފުރުސަތެއްގައި މަސައްކަތް ފަށާފައިވަނީ ޝަންގްރިއްލާ އިން ލިބުނު ފުރުސަތެއްގައި އެސިސްޓެންޓް މާކެޓިން އެންޑް ކޮމިއުނިކޭޝަން އޮފިސަރެއްގެ ގޮތުގައި ހޮޓެލްޖެން ގައެވެ.
ހޮޓެލް ޖެންގައި 10 އަހަރު މަސައްކަތް ކުރުމަށްފަހު 2021 ވަނަ އަހަރު ލިބުނު ފުރުސަތެއްގައި ނީނާ ވަނީ ޔޫއޭއީއަށް ވަޒީފާ ބަދަލުކޮށްފަ އެވެ.
ޔޫއޭއީގެ ނޮދަން އެމިރޭޓްސްގެ ރިސޯޓެއް ކަމަށްވާ މުވެންޕިކް ރިސޯޓު އަލް މަރްޖަން އައިލެންޑްގައި މާކެޓިންނާއި ޕީއާރް ބައި ބަލަހައްޓަނީވެސް ނީނާ އެވެ.
ދުބާއީގެ އިތުރުން އޮމާންގައިވެސް މަަސައްކަތްކޮށްފައިވާ ނީނާ ވަނީ ފިޓަނަސްގެ ދާއިރާގައިވެސް 20 އަހަރަށް ވުރެ ދިގު މުއްދަތެއްގައި މަސައްކަތް ކޮށްފަ އެވެ.