ގައުމީ ހޭންޑްބޯޅަ މުބާރާތުގެ އަންހެން ދެވަނަ ޑިވިޝަންގެ ފައިނަލަށް ޒެފްރޯލް އަދި އިސްލޭނޯ ދަތުރުކޮށްފި އެވެ.
މިއީ ރޭ ކުޅުނު ސެމީ ފައިނަލް މެޗުތަކުން ދެ ޓީމުން ހޯދި ފާހަގަކޮށްލެވޭ ކާމިޔާބީ އެކެވެ.
ފުރަތަމަ ސެމީ ފައިނަލްގައި ޒެފްރޯލް ވަނީ އެޗްވައިސީއާ ދެކޮޅަށް 22-15 އިން މޮޅުވެފަ އެވެ. މި މެޗުގައި ޒެފްރޯލްގެ ފާތިމަތު ލީމް ބިންތު ޔާސިރު ވަނީ 8 ލަނޑު ޖަހައި މެޗުގެ މޮޅު ކުޅުންތެރިޔާގެ މަޤާމު ހޯދާފަ އެވެ.
ދެވަނަ ސެމީ ފައިނަލްގައި އިސްލޭނޯ އިން ވަނީ ހިޔާ ސްޕޯޓްސް ކުލަބާ ދެކޮޅަށް 14-11 އިން މޮޅުވެފަ އެވެ.
މި މެޗުގެ އެންމެ ފާހަގަކޮށްލެވޭ ކުޅުންތެރިޔާއަކީ އިސްލޭނޯގެ މައީޝާ މުޖުތަބާ އެވެ. އޭނާ ވަނީ 3 ލަނޑު ޖަހާފަ އެވެ.
މުބާރާތުގެ ފައިނަލް މެޗު އޮންނާނީ މި މަހުގެ 18 ވަނަ ދުވަހު މާލޭ ހޭންޑްބޯލް ކޯޓު ގައެވެ. މި މެޗުގައި ޒެފްރޯލް އާއި އިސްލޭނޯ ވާދަކުރާނެ އެވެ.
ފާހަގަކޮށްލެވޭ ކަމަކީ ދެ ޓީމުންވެސް ސެމީ ފައިނަލަށް ދަތުރުކުރީ ކުއާޓަ ފައިނަލްގައިވެސް ފާހަގަކޮށްލެވޭ ކާމިޔާބީތަކެއް ހޯދުމަށްފަހު ގައެވެ. މިގޮތުން ޒެފްރޯލް ވަނީ ވެސްޓް އެންޑް 26-17 އިން ބަލިކޮށްފަ އެވެ. އަދި އިސްލޭނޯ ވަނީ ޔުނިޓީ އައިލެންޑާސް 15-14 އިން ބަލިކޮށްފަ އެވެ.