ސިޔާސީ ޕާޓީއެއް އުފެއްދުމަށް ހުއްދަ ދީފި

އާ ސިޔާސީ ޕާޓީއެއް އުފެއްދުމުގެ ހުއްދަ މިއަދު ދީފި އެވެ.

އިލެކްޝަންސް ކޮމިޝަން (އީސީ) އިން މި ހުއްދަ ދީފައިވަނީ ގ. ކްރެބްޓްރީ، އަލީ އަހްމަދަށެވެ.

ޕާޓީ އުފައްދަން ހުށަހަޅާފައިވަނީ "މޯލްޑިވްސް ކޮމިއުނިޓީ ޕާޓީ" (އެމްސީޕީ)ގެ ނަމުގައެވެ.

ސިޔާސީ ޕާޓީއެއްގެ ގޮތުގައި ޕާޓީއެއް ރަޖިސްޓަރީ ކޮށްދެނީ 3،000 މެންބަރު ހަމަކޮށް އިލެކްޝަންސް ކޮމިޝަނަށް ހުށަހެޅުމުންނެވެ.

އީސީގެ ދަފްތަރުގައި 11 ސިޔާސީ ޕާޓީ މިވަގުތު ދަފްތަރުކޮށްފައިވެ އެވެ. އެއީ އެމްޑީޕީ، ޕީއެންސީ، ޕީޕީއެމް، އަދާލަތު ޕާޓީ، ޖޭޕީ، އެމްޓީޑީ، ޕީއެންއެފް، އެމްއާރްއެމް، އެމްއެންޕީ، އެމްޑީއޭ އަދި ދަ ޑިމޮކްރެޓްސް އެވެ.