އޮފީސްތަކުގެ ޓެލެޑްރާމާ މުބާރާތުގައި ބައިވެރިވުމަށް ނެޝަނަލް ސެންޓަ ފޯ ދި އާޓްސް (އެންސީއޭ) އިން ހުޅުވާލައިފި އެވެ.
މި މުބާރާތުގައި ބައިވެރިވުމަށް ފުރުސަތު ހުޅުވާލާފައިވަނީ މިމަހުގެ 12 ވަނަ ދުވަހުގެ ނިޔަލަށެވެ.
މި މުބާރާތުގެ މަގުސަދަކީ މުނިފޫހިފިލުވުމުގެ ދާއިރާގައި ހަރަކާތްތެރިވާ ފަންނާނުން އިތުރުކޮށް، ފަންނުވެރީންނަށް ހިތްވަރުދީ، އަގުވަޒަންކޮށް، އެކުވެރި އަދި ވާދަވެރި މަހައުލެއްގައި ފަންނުވެރިކަން ތަރައްގީ ކުރުމެވެ.
ސަރުކާރުގެ އޮފީސްތަކާއި ސަރުކާރު ހިއްސާވާ ކުންފުނިތަކާއި ލޯކަލް ކައުންސިލްތަކާއި މިނިވަން މުއައްސަސާތަކަށް މި މުބާރާތުގައި ބައިވެރިވެވޭނެ އެެވެ.
ރޯދަ މަހު މި ޑްރާމާތައް ދެއްކުމަށްފަހު 14 ކެޓަގަރީއަކުން އެވޯޑް ދިނުމަށް ހަމަޖެހިފައިވެ އެެވެ.
މުބާރާތުގައި ލިބޭ ފައިސާގެ އިނާމު:
- އެންމެ މޮޅު ޑްރާމާ: 50،000 ރުފިޔާ
- އެންމެ މޮޅު ބަތަލު: 15،000 ރުފިޔާ
- އެންމެ މޮޅު ބަތަލާ: 15،000 ރުފިޔާ
- އެންމެ މޮޅު ސަޕޯޓިން ބަތަލު: 10،000 ރުފިޔާ
- އެންމެ މޮޅު ސަޕޯޓިން ބަތަލާ: 10،000 ރުފިޔާ
- އެންމެ މޮޅު އާ ބަތަލު: 5000 ރުފިޔާ
- އެންމެ މޮޅު އާ ބަތަލާ: 5000 ރުފިޔާ
އެންމެ ފަހުން ބޭއްވި އޮފީސްތަކުގެ ޓެލެޑްރާމާ މުބާރާތުން އެއްވަނަ ހޯދީ މޯލްޑިވްސް ނެޝަނަލް ޔުނިވަސިޓީ އިން ގެނެސްދިން "މަނާލް" އެވެ.