ލ. ގަމުގައި 52 ކޮޓަރީގެ އިކޯ-ލަގްޒަރީ ހޮޓަލެއް އަޅަން އެއްބަސްވުމެއްގައި ސޮއިކޮށްފި އެވެ.
ގަން ކައުންސިލުން މި މަޝްރޫއު ކުރިއަށް ގެންދިއުމަށް މަސައްކަތް ހަވާލުކުރީ ބައިސަން ޓްރެވެލް މޯލްޑިވްސް އެވެ.
ގަމުގައި އޮތް ސޮއިކުރުމުގެ ރަސްމިއްޔާތަށްފަހު ކައުންސިލުން ބުނީ މިމަޝްރޫއުގެ ސަބަބުން ރަށުގައި އިތުރު ވަޒީފާތައް އުފެދި ރަށުގެ އިގްތިސާދަށް ހެޔޮ ބަދަލުތަކެއް އަންނާނެ ކަމަށެވެ.
މިމަޝްރޫއާ އެކު ގަމުގައި ފަތުރުވެރިކަމުގެ ދާއިރާ އިން ގިނަ ފުރުސަތުތަކެއް ހުޅުވިގެންދާނެ ކަމަށްވެސް ކައުންސިލުން ދެކެ އެވެ.
ރާއްޖޭގައި މީހުން ދިރިއުޅޭ އެންމެ ބޮޑު ރަށް ގަމުގައި އަޅާ ހޮޓަލުގައި ލަގްޒަރީ ޑުޕްލެކްސް ގެސްޓް ވިލާ، ކޮފީ ބާ، ޑައިނިން ފެސިލިޓީ، ސްވިމިން ޕޫލް އަދި ރެކްރިއޭޝަނަލް ސަރަހައްދެއް ހަދާނެ އެވެ.
ދެކުނުގައި ލ. ގަމަކީ ފަތުރުވެރިކަން ވަރަށް ބޮޑަށް ފުޅާވަމުންދާ ރަށެކެވެ.