ދިވެހި ބަހުގެ އެކަޑެމީ ހިންގުން މިނިސްޓްރީ އޮފް ދިވެހި ލެންގުއޭޖް، ކަލްޗާ އެންޑް ހެރިޓޭޖުގެ ޑެޕިއުޓީ މިނިސްޓަރު އިބްރާހީމް ވަހީދު (އޮގަރު ވަހީދު)އާ ހަވާލުކޮށްފި އެވެ.
ދިވެހި ބަހުގެ އެކަޑަމީ ހިންގުން ސިޔާސީ ބޭފުޅަކާ ހަވާލުކުރީ ކޮން ކަންތައްތަކެއް ދިމާވެގެން ކަމެއް ސާފުވާ ގޮތެއް ނުވި އެވެ.
ދިވެހި ބަހުގެ އެކަޑަމީ އަކީ ލެންގުއޭޖު މިނިސްޓްރީގެ ދަށުން ހިންގާ ތަނަކަށް ވިޔަސް އެ ތަނުގައި ރައީސް އަކާއި ނައިބް ރައީސްއެއްގެ އިތުރުން މެންބަރުންތަކެއް ތިއްބަވަ އެވެ.
ދިވެހި ބަހުގެ އެކަޑަމީގެ ރައީސްގެ ގޮތުގައި މިވަގުތު ހުންނެވީ ޑރ. އަޝްރަފް އަބްދުއްރަހީމް އެވެ.
ލެންގުއޭޖު މިނިސްޓްރީން އެ ތަނުގެ މުވައްޒަފުންނަށް މިމަހުގެ ފަސްވަނަ ދުވަހު ފޮނުވާފައިވާ އިންޓާނަލް މެމޯއެއްގައި ބުނެފައިވަނީ ދިވެހި ބަހުގެ އެކަޑަމީގެ މަސައްކަތްތައް އޮގަރު ވަހީދުއާ ހަވާލުކުރެއްވީ އެކަޑެމީގެ މަސައްކަތްތައް ހަރުދަނާ ކުރުމަށް ކަމަށެވެ.
މެމޯގައިވާ ގޮތުން އެކަޑަމީ އޮގަރު ވަހީދުގެ ލަފާގެ މަތިން ހިންގާ ގޮތަށް ހަމަޖެއްސީ މިދިޔަ މަހުގެ 26 ވަނަ ދުވަހު އެވެ.