މިހާރު ހިނގައިގެން އުޅޭ އަލިފާނުގެ ހާދިސާގައި އެހީތެރިކަން ބޭނުންވާނަމަ 115 އަށް ގުޅުމަށް ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން އިލްތިމާސްކޮށްފި އެވެ.
އެންޑީއެމްއޭ އިން ވަނީ މި ހާދިސާގައި އެއްވެސް ކަހަލަ އެހީތެރިކަމެއް ބޭނުންވާ މީހުން ލަސްނުކޮށް އެ ނަންބަރަށް ގުޅުމަށް އެދިފަ އެވެ.
މީގެ އިތުރުން އަލިފާނުގެ ހާދިސާއާ ގުޅިގެން އިމަންޖަންސީ އިވެކުއޭޝަން ސެންޓަަރެއް ސޯޝަލް ސެންޓަރުގައި ވަނީ ގާއިމުކޮށްފަ އެވެ. އެހީތެރިކަން ބޭނުންވާ މީހުން އެ ނަންބަރަށް ނުވަތަ އިވެކުއޭޝަން ސެންޓަރަށް ދިއުމަށް އެންޑީއެމްއޭ އިން ވަނީ އެދިފަ އެވެ.
ހައުސިން މިނިސްޓްރީ ހިންގާ އިމާރާތުގައި ރޯވެ އަނދަމުންދާއިރު އަލިފާން ނިއްވުމަށް ދަނީ މަސައްކަތް ކުރަމުންނެވެ.
އަލިފާން އަދި ކޮންޓްރޯލް ނުވާއިރު އެންވަޔަރަމަންޓް މިނިސްޓްރީ ހިންގަމުން އަންނަ "ގްރީން ބިލްޑިންގް" އާ ހަމައަށްވެސް އަލިފާން ފޯރާފައިވާ ކަމަށް އެމްއެންޑީއެފުން ވަނީ ބުނެފަ އެވެ.