އދ. ކުނބުރުދޫ މިސްކިތް އަޅަން 5.4 މިލިޔަން ރުފިޔާ އަށް ސްޕީޑް ކޮންސްޓްރަކްޝަނާ މިއަދު މަސައްކަތް ހަވާލުކޮށްފި އެވެ.
މި އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ މިނިސްޓްރީގެ ނައިބް މުހައްމަދު އަލީ އެވެ. އަދި ސްޕީޑް ކޮންސްޓްރަކްޝަންގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު ހުސެއިން ޝަރީފު އެވެ.
މި ރަސްމިއްޔާތުގައި އިސްލާމިކް މިނިސްޓްރީގެ ނައިބް ޑރ. މުހައްމަދު އަލީ ވިދާޅުވީ މި މިސްކިތުގެ ސަބަބުން ކުނބުރުދޫގެ ރައްޔިތުންށް ބޮޑު ފަސޭހަތަކެއް ލިބިގެންދާނެ ކަމަށެވެ.
"މިސްކިތުން ގަބުރު ފެނުނު ފަހުން މިރަށު މިސްކިތް ހުރީ ބަންދުކޮށްފަ. އޭގެ ފަހުން ނަމާދު ކުރަނީ އަންހެނުންގެ ނަމާދު ގޭގައި. އެހެންވެ މިއީ މިރަށުގެ ރައްޔިތުންނަށް ލިބޭ އުފަލެއް،" މުހައްމަދު އަލީ ވިދާޅުވި އެވެ.
އާބާދީގެ 540 މީހުން ދިރިއުޅެމުން ގެންދާ ކުބުނރުދޫގައި އަޅަނީ 340 މީހުންގެ ޖާގައިގެ މިސްކިތެކެވެ.