ސްޕެއިންގެ ކުލަބް ބާސެލޯނާގެ 1.25 ބިލިއަން ޕައުންޑުގެ އައު ސްޓޭޑިއަމް، ސްޕޮޓިފައި ކޭމްޕް ނޫ ގެ މަސައްކަތް ލަސްވުމުން، ޔުއެފާ ޗެމްޕިއަންސް ލީގުގެ މެޗުތައް ކުޅޭނެ ދަނޑެއް ނުލިބި އެ ކްލަބު މަގުމަތިވެއްޖެ އެވެ.
ކުރިން ރޭވިފައިވާ ގޮތުން މި އަހަރުގެ އެންމެ ފަހު މެޗު ކޭމްޕް ނޫގައި ކުޅެން ހަމަޖެހިފައި އޮތް ނަމަވެސް 105،000 މީހުންގެ ޖާގައިގެ މި ސްޓޭޑިއަމްގެ މަސައްކަތް ނިމޭނެ ކަމާމެދު ކުލަބުގެ އިސްވެރިން ވަނީ ސުވާލު އުފައްދާފަ އެވެ.
ޗެމްޕިއަންސް ލީގުގެ ގަވާއިދުތަކާ އެއްގޮތަށް، ނޮކްއައުޓް މަރުހަލާ ފެށުމުގެ ކުރިން ބާސެލޯނާއިން ކުޅެން ބޭނުންކުރާނެ ދަނޑެއް ކަނޑައަޅަން ޖެހެ އެވެ. ނަމަވެސް މިހާރު ބޭނުންކުރަމުންދާ އެ ސްޓޭޑިއޯ މޮންޖުއިކް އެދުވަސްވަރު އެހެން ފަރާތަކަށް ދޫކޮށްފައިވާތީ، ބާސެލޯނާ ވަނީ މެޗުތައް ކުޅޭނެ ދަނޑެއް ނުލިބި އެ ކްލަބަށް ވަރަށް ބޮޑަށް ދަތިވެފަ އެވެ.
މިކަމަށް ހައްލެއް ހޯދުމަށްޓަކައި ބާސެލޯނާ އިން މިހާރު ދަނީ އެހެން ކުލަބުތަކުގެ ދަނޑުތައް ހޯދުމުގެ މަސައްކަތް ކުރަމުންނެވެ. އެގޮތުން ވެލެންސިއާގެ އެލް މަސްޓާޔާ އަދި އެތްލެޓިކޯ މެޑްރިޑުގެ ސިވިޓަސް މެޓްރޮޕޮލިޓާނޯގައި މެޗުތައް ކުޅުމަކީ އެކަށީގެންވާ ކަމެއް ކަމަށް ވަނީ ބެލެވިފަ އެވެ.
ފެބްރުއަރީ މަހުގެ މެދުތެރޭގައި ފެށޭ ނޮކްއައުޓް މަރުހަލާގެ ކުރިން މިކަމަށް އަވަސް ހައްލެއް ހޯދުމަކީ ބާސެލޯނާއަށް މުހިންމު ކަމަކަށް ވާނެ އެވެ.