އިންޑިއާގެ ޚާރިޖީ ވަޒީރު ސުބްރަމާނިޔަމް ޖައިޝަންކަރު، އެމެރިކާގެ އިންތިޚާބީ ރައީސް، ޑޮނަލްޑް ޓްރަމްޕްގެ ޚާއްސަ މުޝީރު މައިކަލް މޯލްޒްއާ ބައްދަލުކުރައްވައިފި އެވެ.
މައިކަލް ވޯލްޒް އަކީ ޓްރަމްޕް ސަރުކާރުގައި، އެމެރިކާގެ ގައުމީ ސަލާމަތާ ބެހޭ މުޝީރެވެ. އެމެރިކާގެ ރައީސްގެ މަގާމާ ޓްރަމްޕް ހަވާލުވެވަޑައިގަންނަވާނީ އަންނަ ޖެނުއަރީ 20 ގަ އެވެ.
އެމެރިކާގެ މިހާރުގެ ރައީސް ޖޯ ބައިޑަންގެ ސަރުކާރުގައި ގައުމީ ސަލާމަތާ ބެހޭ މުޝީރަކީ ޖޭކް ސުލިވާން އެވެ.
މައިކަލް ވޯލްޒްއާ ބައްދަލުކުރައްވައި ޖައިޝަންކަރު ވަނީ ދެ ގައުމުގެ ގުޅުން ބަދަހިކުރުމާ ބެހޭ ގޮތުން މަޝްވަރާކުރައްވާފަ އެވެ. އެމެރިކާ އާއި އިންޑިއާގެ ބައިވެރިވުން އޮވެގެން ބައިނަލްއަގްވާމީ ޖަމާއަތުގައި ހިންގާ ހަރަކާތްތަކާ ބެހޭ ގޮތުންވެސް ދެ ލީޑަރުން މަޝްވަރާކުރެއްވި އެވެ.
ދުނިޔެއަށް މިހާރު ހުރި ގޮންޖެހުންތަކާއި މޫސުމީ ބަދަލުތަކާ ބެހޭ ގޮތުން ދެ ބޭފުޅުން މަޝްވަރާކުރެއްވި އެވެ.
ދުނިޔޭގެ މަސްލަހަތަށް ދެ ގައުމު އެކުގައި ކުރެވެން ހުރި މަސައްކަތްތަކާ ބެހޭ ގޮތުންވެސް ދެވެރިން މަޝްވަރާކުރެއްވި އެވެ.
މައިކަލް ވޯޒްއާ ބައްދަލުކުރެއްވުމުގެ ކުރިން، އެމެރިކާގެ މިހާރުގެ ސެކްރެޓަރީ އޮފް ސްޓޭޓް އެންތަނީ ބްލިންކެއާ ވެސް ޖައިޝަންކަރު ބައްދަލުކުރެއްވި އެވެ.