ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ ޑެޕިއުޓީ މެނޭޖިން ޑިރެކްޓަރަކަށް ފަޔާޒު މަންސޫރު ހަމަޖައްސައިފި އެވެ.
އާކިޓެކްޓެއް ކަމަށްވާ ފަޔާޒު އަކީ ރައީސް ޑރ. މުހައްމަދު މުއިއްޒު ވެރިކަމަށް ވަޑައިގެންނެވި ފަހުން އެޗްޑީސީގެ ޑެޕިއުޓީ މެނޭޖިން ޑިރެކްޓަރު ކަމާ ހަވާލުވެވަޑައިގެންނެވި ފުރަތަމަ ބޭފުޅާ އެވެ.
ފަޔާޒު މި މަގާމަށް ހަމަޖެއްސީ ނިމިގެން ދިޔަ ޑިސެމްބަރު 26 ވަނަ ދުވަހު އެވެ.
ފަޔާޒު އަކީ ހުޅުމާލެ އާބާދުކުރަން އެ ތަން ހިއްކަން ފެށި ދުވަސްވަރުން ފެށިގެން އެޗްޑީސީގައި ގިނަ ދުވަސްތަކަކު ކުރިން މަސައްކަތް ކުރެއްވި ބޭފުޅެކެވެ.
ކުއަންޓިޓި ސާވޭއިން ޑިގްރީ ހައްދަވާފައިވާ ފަޔާޒު އަކީ ނިއުޒިލެންޑުގެ ވިކްޓޯރިއާ ޔުނިވާސިޓީގައި ބިލްޑިން ސައިންސުގެ ދާއިރާ އިން މާސްޓާސްވެސް ހާސިލްކުރައްވާފައިވާ ބޭފުޅެކެވެ.