މިފްކޯގެ ޗީފް ފައިނޭންޝަލް އޮފިސަރު (ސީއެފްއޯ) އިލްޔާސް ހަނީފް މަގާމުން އިސްތިއުފާ ދެއްވައިފި އެވެ.
އޭނާ މިދިޔަ މަހުގެ ތެރޭގައި މަގާމުން އިސްތިއުފާ ދެއްވާފައިވާ ކަމަށް މިފްކޯ އިން ވަނީ ޔަގީންކޮށްދީފަ އެވެ.
އިލްޔާސް އިސްތިއުފާ ދެއްވި ވަކި ސަބަބެއް ސާފުވެފައެއް ނުވެ އެވެ.
މިފްކޯގެ ކުރީގެ ސީއީއޯ އަހްމަދު ސަމާހު ރަޝީދުގެ މައްސަލަތަކެއް ޕްރައިވެޓައިޒޭޝަން ބޯޑުން ބަލަން ފަށައި ސަމާހު ސަސްޕެންޑް ކުރި ވަގުތު މިފްކޯ ހިންގުމާ ވަގުތީ ގޮތުން ހަވާލުވެވަޑައިގަތީވެސް އިލްޔާސް އެވެ.
މިފްކޯގެ ސީއެފްއޯގެ ޒިންމާތައް މިވަގުތު އަދާކުރައްވަނީ އެ ކުންފުނީގެ ޖެނެރަލް މެނޭޖަރު ހާމިދު ނަޒީމެވެ.
ސަރުކާރުން މިހާރު ވަނީ މިފްކޯގެ ހާލަތު ރަނގަޅު ކުރުމަށްޓަކައި އެ ކުންފުނީގެ ސީއީއޯގެ މަގާމަށް ޔޫކްރޭން ރައްޔިތެއް ކަމަށްވާ ޑރ. ވިޓާލީ ލުބިމޮވް ހަމަޖަައްސާފަ އެވެ.