ރާއްޖޭގައި އިޔާދަކުރަނިވި ހަކަތައިގެ ކެޕޭސިޓީ އިތުރުކުރުމަށް ކުރާ މަސައްކަތްތަކުގެ ދަށުން ފާއިތުވި އަހަރެއްހާ ދުވަހުގެ ތެރޭގައި 17 މެގަވޮޓް އިތުރުކޮށްފި އެވެ.
ޔޫއޭއީގެ އަބޫ ދާބީގައި ކުރިއަށްދާ އިންޓަނޭޝަނަލް ރިނިއުވަބަލް އެނާޖީ އެޖެންސީ (އައިރީނާ) އެސެމްބްލީގެ 15 ވަނަ ޖަލްސާގައި އެންޔަވަޔަރަންމަންޓް މިނިސްޓަރު ތޯރިގު އިބްރާހީމް ކުރެއްވި ތަގުރީރަށްފަހު އެ މިނިސްޓްރީން ނެރުނު ބަޔާނެއްގައި ބުނީ މީގެކުރިން ރާއްޖޭގައި ހުރީ އިޔާދަކުރަނިވި ހަކަތައިގެ 53 މެގަވޮޓް ހަކަތަ އުފެއްދޭ ކެޕޭސިޓީ ކަމަށެވެ. މިއީ ރާއްޖޭގައި މިހާރު ބޭނުންކުރާ ހަކަތައިގެ އެންމެ ހަތަރު ޕަސަންޓެވެ.
ނަމަވެސް ފާއިތުވި އަހަރު ކުރެވުނު މަސައްކަތުން އެ އަދަދު ޖުމްލަ 70 މެގަވޮޓަށް އިތުރުކޮށްފައިވާ ކަމަށެވެ. އެހެންކަމުން އެއީ 17 މެގަވޮޓުގެ އިތުރުވުމެއް ކަމަށްވެސް ބުންޏެވެ.
ރާއްޖޭގައި އުފައްދާ ހަކަަތައިގެ 33 ޕަސެންޓަކީ އިޔާދަކުރަނިވި ހަކަތައަށް ހެދުމަށް ރައީސް ޑރ. މުހައްމަދު މުއިއްޒު ވަނީ ވައުދުވެވަޑައިގެންފަ އެވެ.
މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނާޖީ
އިޔާދަކުރަނިވި ހަކަތައަށް 17 މެގަވޮޓް އިތުރުކުރެވިއްޖެ: ތޯރިގު
Jan 13, 2025
