ދިރާގު

ދިރާގު ގުޑިފެސްޓް މިއަދު ފުވައްމުލައް ސިޓީގައި

މާލޭގައި ދިރާގުން ބޭއްވި ގުޑިފެސްޓް -- ފޮޓޯ: އަހުމަދު އަޒާން | އަވަސް
100%
0%
0%

އާންމުންގެ ބޮޑު ތަރުހީބެއް ލިބިފައިވާ ދިރާގުގެ މަގުބޫލު ގުޑިފެސްޓްގެ ހަރަކާތެއް މިއަދު ފުވައްމުލައް ސިޓީގައި ބޭއްވުމަށް ހަމަޖެހިއްޖެ އެވެ.

މި ހަރަކާތް އޮންނާނީ މިއަދު ހަވީރު 4:30 އިން 5:30 އަށް، ފުވައްމުލައް، އެމްޓީސީސީ ދަނޑިމަގު ސައިޓް ކައިރީގަ އެވެ.

ދިރާގު ގުޑި ފެސްޓްގައި ބައިވެރިވާ ކޮންމެ ކުއްޖަކަށްވެސް ދިރާގުގެ ފަރާތުން ގުޑިއެއް މުޅިން ހިލޭ ލިބޭނެ އެވެ.

ދިރާގު ގުޑިފެސްޓްއަކީ ރަމަޟާން މަހު ދިވެހީންގެ މެދުގައި އޮންނަ ޒަމާންވީ ސަގާފީ އާދަކާދައެއް ކަމުގައިވާ ގުޑި އެރުވުމަށް ގިނަ ކުދިން އަހުލުވެރި ކުރުވުމުގެ ގޮތުން 2023 ވަނަ އަހަރު އެ ކުންފުނިން ފެށި ހަރަކާތެކެވެ.

މި ގޮތުން، ވޭތުވެދިޔަ ރަމަޟާން މަސްމަހާ އެއްފަދައިން، މި އަހަރު ވެސް ދިރާގު ގުޑިފެސްޓް މާލެ ސަރަހައްދުގެ އިތުރުން ރާއްޖޭގެ އެކި ކަންކޮޅުތަކުގައި ކުރިއަށްދާނެ ކަމަށް ދިރާގުން ބުނެފައިވެ އެވެ.

ނިމުނު ރޯދަ މަހު ދިރާގުން ވަނީ މާލެ އާއި ހުޅުމާލޭގައިވެސް ގުޑިފެސްޓް ހަރަކާތެއް ބާއްވާފަ އެވެ.

ދިރާގުން އަންނަނީ ރަމަޟާން މަހާ ގުޅުވައިގެން އާންމުންނަށް ތަފާތު ހަރަކާތްތަކާއި އަގުހުރި އޮފާތައް ގެނެސްދީ، ދިވެހި ސަގާފަތާއި ކުރީގެ އާދަކާދަތައް ދިރުވުމަށް ގިނަ މަސައްކަތްތަކެއް ކުރަމުންނެވެ.

Send us your opinion
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!
April
SunMonTueWedThuFriSat
303112345678910111213141516171819202122232425262728293012345678910