އެންޓި ކޮރަޕްޝަން ކޮމިޝަން (އޭސީސީ) އަށް މައްސަލަ ހުށަހަޅާ ފަރާތްތަކަށް ހިމާޔަތާއި ރައްކާތެރިކަންދޭން "ވިސްލްބްލޯ އެކްޓް" ގަވާއިދެއް އެކުލަވާލާފައިވާ ކަމަށާއި އެ ގަވާއިދަށް އެޓާނީ ޖެނަރަލްގެ ލަފާފުޅު ހޯދަން ފޮނުވާފައިވާ ކަމަށް އޭސީސީން ބުނެފި އެވެ.
އިލެކްޝަން ކޮމިޝަނުން ބުނީ، އެކޮމިޝަނުން އެކުލަވާލި ވިސްލްބްލޯ ގަވާއިދުގައި، ކޮރަޕްޝަންގެ މައްސަލައަކާ ގުޅިގެން އޭސީސީ އަށް ވިސްލްބްލޯކުރުމުގައި ނުވަތަ މައްސަލަ ހުށަހެޅުމުގައި ބަލަންޖެހޭ އަސާސީ ހަމަތަކާއި، މައްސަލަ ރިޕޯޓުކުރާ ފަރާތްތަކާއި އެ ފަރާތްތަކަށް ލިބިދެވޭ އިނާޔަތާއި ރައްކާތެރިކަން އެ ގަވާއިދުގައި ބަޔާންކޮށްފައިވާ ކަމަށެވެ. އެފަދަ ގަވާއިދެއް އެކުލަވާލަން ޖެހުނީ، ކޮރަޕްޝަންގެ ތުހުމަތުތަކާ ގުޅޭ ސައްހަ މައުލޫމާތު ވަގުތުން ހޯދުމާއި އެކި އިދާރާތަކުގައި ހިނގާ ކޮރަޕްޝަންގެ އަަމަލުތައް ރިޕޯޓުކުރާ ފަރާތްތަކަށް ހިއްވަރުދީ، މައްސަލަ ހުށަހެޅުމުން އެ ފަރާތަށް ލިބިދާނެ ގެއްލުމަކުން ރައްކާތެރިކަން ހޯދައިދިނުމުގެ ގޮތުން ކަމަށެވެ.
އޭސީސީން ބުނީ އެ ގަވާއިދާ މެދު އޭޖީގެ ލަފާ ލިބުމުން ލަސް ނުކޮށް ގަވާއިދު ގެޒެޓު ކުރާނެ ކަމަށެވެ.
