ދައުލަތުގެ ތިންބާރުގެ މިނިވަންކަމާއި ހަމަހަމަކަން ރާއްޖޭގެ ގާނޫނު އަސާސީން ކަށަވަރުކޮށްދޭ ކަމާއި، ގައުމުގެ ހިންގުމުގެ ނިޒާމު ވަރުގަދަކުރުމަށް ރައީސް އަބްދުﷲ ޔާމީން އެކުލަވާފައިވާ މާސްޓާޕްލޭންގެ ސަބަބުން ޝަރުއީ ދާއިރާއާއި ޑިމޮކްރަސީ ވަރުގަދަވެގެންދާނެކަމުގެ ޔަގީންކަން ކޮމަންވެލްތު މިނިސްޓީރިއަލް އެކްޝަން ގްރޫޕް (ސީމެގް)އަށް ރާއްޖެއިން ދީފި އެވެ.
މިއަދު އިނގިރޭސިވިލާތުގައި ބޭއްވި ސީމެގްގެ ބައްދަލުވުމުގައި ރާއްޖޭގެ ފަރާތުން ބައިވެރިވެވަޑައިގެންނެވި ރާއްޖޭގެ ހާރިޖީ ވަޒީރު ދުންޔާ މައުމޫނާއި އެޓާނީ ޖެނަރަލް ވަނީ ސަރުކާރުން ކުރަމުންދާ ގިނަ ކަންތައްތަކެއް ބައްދަލުވުމުގެ މެންބަރުންނާއި ހިއްސާކުރައްވާފަވާކަމަށް ފޮރިން މިނިސްޓްރީން ބުންޏެވެ.
ސީމެގްގެ ބައްދަލުވުމުގައި ރާއްޖޭގެ ވަފުދުގެ ބޭފުޅުން މިއަދު ވިދާޅުވީ، ރާއްޖޭގެ ހިންގުން ހަރުދަނާ ކުރުމަށް ރައީސް އަބްދުﷲ ޔާމީން އެކުލައްވާ މާސްޓާ ޕްލޭންގައި ހިމަނާ ކަންކަން ތަންފީޒުކުރުމަށް ސަރުކާރު ފުރިހަމައަށް ކުޅެދޭކަމުގެ ޔަގީންކަން ސީމެގަށް ދެއްވާ ކަމަށެވެ. އެ ޕްލޭން ތަންފީޒުކޮށް އިސްލާހީ ހެޔޮ ބަދަލުތައް ރާއްޖޭގެ ހިންގުމުގެ ނިޒާމަށް ގެނައުމުން ރާއްޖޭގެ ޑިމޮކްރަސީ ފައްކާވެގެންދާނެ ކަމަށް އެ ބޭފުޅުން ވިދާޅުވި އެވެ.
ރައީސް އަބްދުﷲ ޔާމީންގެ ވިސްނުންފުޅަކީ ބައިނަލްއަގުވާމީ ގުޅުންތައް ވަރުގަދަކޮށް، ހާއްސަކޮށް ސީމެގް އާއި ރާއްޖެއާ އޮންނަ ގުޅުން ހަރުދަނާކޮށް ރާއްޖޭގެ ހިންގުމުގެ ނިޒާމަށް އެމަނިކުފާނު އެކުލަވާލައްވާ މާސްޓާޕްލޭން ތަންފީޒުކުރުން ކަމަށް އެ ވަފުދުގެ ބޭފުޅުން ވިދާޅުވިއެވެ.
ރާއްޖޭގެ ގާނޫނު އަސާސީން ދައުލަތުގެ ބާރުތައް ފުރިހަމައަށް ވަކިކޮށްދޭ ކަމުގެ ފުރިހަމަ ޔަގީންކަން މިއަދު ރާއްޖެއިން ވަނީ ސީމެގަށް ދީފައެވެ. ރާއްޖޭގެ ޝަރުއީ ދާއިރާއަކީ އެއްވެސް ފަރާތެއްނެ ނުފޫޒަކުން އެއްކިބާވެފައިވާ ދާއިރާއެއް ކަމަށްވެސް ރާއްޖޭގެ ވަފުދުން ބުންޏެވެ.
އެ ބައްދަލުވުމުގައި ރާއްޖެއިން ވަނީ ސިޔާސީ ޕާޓީތަކުގެ މަޝްވަރާތައް ކުރިއަށްގެންދިއުމަށް ކޮމަންވެލްތުގެ ފަރާތުން ލިބުނު އެއްބާރުލުމަށް ޝުކުރުއަދާކޮށްފައެވެ. އަދި ރާއްޖޭގެ ޑިމޮކްރަސީ ހަރުދަނާ ކުރުމަށް ކޮމަންވެލްތާއިއެކު މަސައްކަތްކުރުމަށް ރާއްޖެ އޮތީ ތައްޔާރަށް ކަމަށާއި، ޑިމޮކްރަސީ ހަރުދަނާ ކުރުމަށް ސަރުކާރުން މިހާރުކުރަމުންދާ މަސައްކަތްތައް ހަރުދަނާކުރުމަށް ކޮމަންވެލްތުގެ އެހީތެރިކަން އިތުރަށް ލިބޭނެކަމުގެ ޔަގީންކަން އޮތްކަމަށް ވެސް ރާއްޖޭގެ ފަރާތުން ބައްދަލުވުމުގައި ވައިވެރިވެވަޑައިގެންނެވި ބޭފުޅުން ވަނީ ވިދާޅުވެފައެވެ.
ކޮމަންވެލްތްގެ ސެކްރެޓްރީ ޖެނަރަލް ސޮކްޓްލެންޑާ، މިނިސްޓަރު ދުންޔާ ބައްދަލުކުރައްވަނީ --