ހުޅުމާލޭގައި ހުންނަ ހިޔާ ޓަވަރުގެ އެޕާޓްމަންޓެއްގައި މީހަކު ރަހީނުކުރުމުގެ ތުހުމަތުގައި މިދިޔަ ނޮވެމްބަރު މަހުގެ ހަތްވަނަ ދުވަހުގެ ރޭ ފުލުހުން ހައްޔަރުކުރި މީހުންގެ މައްސަލަތައް ޕީޖީ އޮފީހަށް ފޮނުވައިފި އެވެ.
ރަހީނުކުރުމުގެ މި އަމަލު ހިންގާފައިވަނީ ހިޔާ ޓަވަރުތަކުގެ ތެރެއިން ނުވަވަނަ ޓަވަރުގެ 11 ވަނަ ފަންގިފިލާގައި ހުރި އެޕާޓްމަންޓެއް ގައެވެ.
މިމައްސަލައިގައި ޖުމްލަ 12 މީހަކު ހައްޔަރުކުރިއިރު މި މީހުންގެ މައްޗަށް ދައުވާކޮށްދިނުމަށް އެދި ފުލުހުންގެ އިދާރާ އިން ޕީޖީ އޮފީހަށް މައްސަލަތައް ފޮނުވާފައިވަނީ މިމަހުގެ 21 ވަނަ ދުވަހު އެވެ.
ރަހީނުކުުރުމުގެ ކުށުގައި ތުހުމަތުކުރެވޭ 12 މީހުން
- އަހްމަދު ޒާހިދު، ދަންމަރު، ށ. ފޯކައިދޫ (36 އ)
- އަހްމަދު ސަމީހު، ނައިޓްސްޓާ، ބ. ގޮއިދޫ، (22 އ)
- އިޒާން އަހްމަދު، ޒުނައިޓް ވިލާ، ކ. ގުރައިދޫ (18 އ)
- ހަސަން ގާލިބް، އާރެސް، މ. ކޮޅުފުށި، (38 އ)
- އާދަމް ހުސައިން، ޖަމީލާ މަންޒިލް، ލ. މާވަށް (48 އ)
- އިބްރާހިމް ނަޝީދު، ހިޔާލީގުލްޝަން، ލ. އިސްދޫ (34 އ)
- މުސްތާގް ޝާކިރު، ޖަނަވަރީގޭ، ގދ. ވާދޫ، (37 އ)
- އަލްމަން އަލީ ހާލިދު، ވެހި، ގދ. ވާދޫ، (22 އ)
- ވިޝާމް މުހައްމަދު، ޗިޗަންޑާގެ، ގދ. ވާދޫ، (23 އ)
- މުހައްމަދު އިޒްކާން، މ. ހަތިކަނޑު، (18 އ)
- އިސްމާއިލް ވިޝާމް މުހައްމަދު، ވ. ގާމާ، (22 އ)
- ވިސާން މުހައްމަދު، ހުޅުމާލެ، ހިޔާ 14-17-03، (30 އ)
މީހަކު ރަހީނުކޮށްގެން ހައްޔަރުކުރި 12 މީހުންވެސް މިހާރު ވަނީ ދޫކޮށްލާފަ އެވެ.
ހިޔާ ޓަވަރުތަކުގައި މީހުން ރަހީނުކުރުމުގެ ހާދިސާތައް މީގެކުރިންވެސް ހިންގާފައިވެ އެވެ. އެހެންވެ ނުދަންނަ މީހަކު ބުނި ނަމަވެސް ނުދަންނަ ތަނަކަށް ނުދިއުމަށް ފުލުހުން ގެންދަނީ ތަކުރާރުކޮށް އިލްތިމާސް ކުރަމުންނެވެ.