ދިވެހި ރާއްޖޭގެ ގުޅުން ޕްރައިވެޓް ލިމިޓެޑު (ދިރާގު) ގެ އަހަރީ އާއްމު ޖަލްސާ މާދަމާ ރޭ ހޮޓެލް ޖެންގައި ބާއްވަން ނިންމައިފި އެވެ.
ދިރާގުން ބުނީ އަހަރީ އާއްމު ޖަލްސާގައި ބައިވެރިވާ ފަރާތްތަކުން ރަޖިސްޓާ ކުރުމުގެ ފުރުސަތު މާދަމާ ރޭ 7.30 އިން 8.15 އާ ދެމެދު ހުޅުވާލާފައިވާ ކަމަށެވެ.
މައި ޓެލެކޮމް ކުންފުނި ކަމަށްވާ ދިރާގުން އަހަރީ އާއްމު ޖަލްސާއަށް ގޮވައިލިއިރު އާއްމު ހިއްސާދާރުގެ ތެރެއިން ޑިރެކްޓަރު ކަމަށް ހުށަހެޅުމުގެ ފުރުސަތު ހުޅުވައިލި އެވެ. އަދި އެ ކުންފުނީގެ 27 ވަނަ އަހަރީ އާއްމު ޖަލްސާގައި އޮޑިޓް ފާމެއްގެ ގޮތުގައި ކޭޕީއެމްޖީ ހޮވުމަށް ބޯޑުން ނިންމާފައިވާ ނިންމުމަށް ވޯޓު ނެގުންވެސް އޮންނާނެ އެވެ. އަދި މީގެ އިތުރުން މިދިޔަ އަހަރުގެ އިންޓާމް ޑިވިޑެންޓްގެ ގޮތުގައި ބެހުމަށް ބޯޑުން ފާސްކޮށްފައިވާ ހިއްސާ އަކަށް 4.69ރ. ބަހަން ހުށަހެޅުން ވެސް އޮންނާނެ އެވެ.
