ބޮޑު ތަފާތަކުން ހަސަން ރިޔާޒް ބަލިކޮށް ބެޑްމިންޓަން އެސޯސިއޭޝަނުގެ ރައީސްކަން ކުރީގެ ގައުމީ ޗެމްޕިއަން މޫސާ ނާޝިދު ދިފާއުކޮށްފި އެވެ.
މިއަދު ބޭއްވި އިންތިހާބުގައި ކުރިއަށް އޮތް ހަތަރު އަހަރުގެ ދައުރަށް މޫސަ އަށް 600 ވޯޓު ލިބިވަޑައިގެންނެވި އެވެ. ރިޔާޒަށް ލިބުނީ 17 ވޯޓެވެ.
އެކި ސަބަބުތަކާހުރެ ހަތަރު ފަހަރެއްގެ މަތީން ނުބޭއްވި ދިގުލައިދިޔަ އިންތިހާބުގައި ނާއިބް ރައީސް ކަމަށް ހޮވުނީ ކުރިން އެ މަގާމުގައި ހުންނެވި އަހުމަދު ޝާކިރެވެ. އޭނާ އަށް 540 ވޯޓު ލިބުނުއިރު ހަޒާންދާރަކަށް ހޮވުނީ މުހައްމަދު ސައީދެވެ. އޭނާ އަށް 596 ވޯތު ލިބުނެވެ.
ބެޑްމިންޓަން އެސޯސިއޭޝަނުގެ އެކްސްކޯ އަށް މެމްބަރުންގެ ފަރާތުން ހޮވުނު މެމްބަރަކީ ކުރީގެ ވޮލީގެ ކެޕްޓަން ފަތުހުﷲ ވަހީދެވެ. ފަރުދީ މެމްބަރަކަށް ހޮވުނީ އަބުދުލް ކަރީމެވެ.
ބެޑްމިންޓަން އެސޯސިއޭޝަނުގެ ރައީސް މޫސަ (މ): ދެ ވަނަ ދައުރަކަސް ހޮވުނީ ބޮޑު ތަފާތަކުން: ފޮޓޯ: ބެޑްމިންޓަން އެސޯސިއޭޝަން.