ރ. އަލިފުށިން ގެއްލިގެން ހޯދަމުންދިޔަ މީހަކު މަރުވެފައި އޮއްވާ ފެނިއްޖެއެވެ. މަރުވެފައި އޮއްވައި ފެނިފައިވަނީ ރ. އަލިފުށި، ހުސްނޫވިލާ، ފަރުހާދު މުހައްމަދު (37އ) އެވެ.
ފުލުހުން ބުނީ، ފަރުހާދު މުހައްމަދު ގެއްލިފައިވާ ކަމުގެ މައުލޫމާތު މިއަދު 13:30 ހާއިރު ފުލުހުންނަށް ރިޕޯޓް ކުރުމާއެކު އާންމު ރައްޔިތުންނާ ގުޅިގެން ހޯދުމުގެ މަސައްކަތް ކުރަމުން ދަނިކޮށް، މިއަދު 14:20 ހާއިރު ފަރުހާދު ފެނިފައިވަނީ އެރަށު އިރުމަތީ ފަރާތު ގޮނޑުދޮށުގައި މަރުވެފައި އޮއްވަ ކަމަށެވެ.
އެމީހާ ފެނިފައިވަނީ ހޯދުމުގެ މަސައްކަތްކުރަމުންދިޔަ އާންމުންގެ ބަޔަކަށެވެ.
ފުލުހުން ދަނީ އިތުރަށް މި މައްސަލަ ތަހުގީގު ކުރަމުންނެވެ.
އަލިފުށި