ބައެއް ކައުންސިލަރުންނާއި ވިޔަފާރިވެރިން ޕީޕީއެމްއަށް މިއަދު ސޮއިކޮށްފި އެވެ.
މުލިއާގޭގައި މިއަދު ބޭއްވި ރަސްމިއްޔާތެއްގައި ޕީޕީއެމްއަށް ސޮއިކުރި ކައުންސިލަރުންގެ ތެރޭގައި ބ. އަތޮޅާއި އައްޑޫ އަދި ތިމަރަފުށީގެ ކައުންސިލަރުން ވެސް ހިމެނެ އެވެ. އަދި ނިމިދިޔަ ރިޔާސީ އިންތިހާބުގައި އައްޑު އަތޮޅުގައި އެމްޑީޕީއަށް ކެމްޕޭން ކޮށްދިނުމުގެ އެންމެ އިސްކޮށް އުޅުވި، ރައީސް މުހައްމަދު ނަޝީދު ކެމްޕޭން މެނޭޖަރު ވެސް ހިމެނެ އެވެ. އަދި އައްޑޫގެ ބައެއް ވިޔަފާރިވެރިން ވެސް ހިމެނެ އެވެ.
ޕީޕީއެމްއާ އަލަށް އަލަށް ގުޅުނު ކައުންސިލަރުންގެ ފޯމްތަކާ ހަވާލުވެ ވަޑައިގަތީ ރައީސް އަބްދުﷲ ޔާމީނެވެ.
ރައީސް އޮފީހުގެ ތަރުޖަމާނު އިބްރާހިމް މުއާޒު އަލީ ވިދާޅުވީ ޕީޕީއެމްއަށް ސޮއިކުރި މީހުންގެ ތެރޭގައި އެމްޑީޕީއަށް ކުރިން ހަރަދުކުރި ވިޔަފާރިވެރިން ވެސް ހިމެނޭ ކަމަށެވެ.
"އެންމެ ހާއްސަ ބޭފުޅަކީ ރައީސް ނަޝީދުގެ ކުރީގެ ކެމްޕޭން މެނޭޖަރު،" މުއާޒު ވިދާޅުވި އެވެ.