މާދަމާ ރޭ ބޭއްވުމަށް ތާވަލުކޮށްފައިވާ ކްރިކެޓް ބޯޑް އޮފް މޯލްޑިވްސްގެ އިންތިހާބު ފަސް ކުރަން ކޮމިޝަނާ އޮފް ސްޕޮޓްސް އަހްމަދު ނަޝިދު (ޑޭވް) އަންގަވައިފިއެވެ.
އިންތިހާބު ފަސް ކުރި ސަބަބާ ބެހޭގޮތުން އަވަސް އިން ކުރި ސުވާލަކަށް ޖަބާވު ދެއްވަމުން ޑޭވް ވިދާޅުވީ އިންތިހާބު ފަސް ކުރަން އަންގާފައިވާނީ އިންތިހާބާ ގުޅޭ ގޮތުން ހުށަހަޅާފައިވާ ޝަކުވާއަކާ ގުޅިގެން، އެއްމައްސަލަ ބެލުމަށް ކަމަށެވެ.
"ކްރިކެޓް ބޯޑުގެ ގަވާއިދާ ހިލާފަށް އިންތިހާބާ ގުޅޭ ބައެއް ކަންކަން ހިންގަމުންދާ ކަމަށް ލިބުނު ދެ ސިޓީއަކާ ގުޅިގެން، އެމައްސަލަ ބެލުމަށް، އިންތިހާބު ފަސް ކުރުމަށް އެދިފައި އަޅުގަނޑު ވާނީ،" ޑޭވް ވިދާޅުވިއެވެ.
ޑޭވް ވިދާޅުވީ އެމައްސަލަ ބަލާ ނިމުމުން އިންތިހާބު ބޭއްވުމުގެ ހުއްދަ ދޭނެ ކަމަށެވެ.
އެއީ ކޮން މައްސަލައެއްތޯ ސުވާލުކުރުމުން ޑޭވް ވިދާޅުވީ އިޖުރާއީ މައްސަލައެއް ކަމަށާއި ސާފުކޮށް ބުނަން އެނގޭނީ މައްސަލަ ބަލައި ނިމުމުން ކަމަށެވެ.
ކްރިކެޓް ބޯޑް އޮފް މޯލްޑިވްސްގެ މިއހަރުގެ އަހަރީ ޢާންމު ޖަލްސާގައި އެކްސްކޯ ބައެއް މެންބަރުން. އިންތިޙާބު ފަސް ކުރުމަށް ސްޕޯޓްސް ކޮމިޝަނަރ ވާަނީ އަންގަވާފަ --- ފައިލް ފޮޓޯ: ސަން