ދިވެހިން އަބަދުވެސް ވަރަށް ސިންގަޕޫރެވެ. އަބަދުވެސް ސިންގަޕޫރެއްގެ ވާހަކަ ދައްކަ އެވެ. ސުވާލަކީ އެ ސިންގަޕޫރަށް ދާން ބޭނުން ހެއްޔެވެ. ސިންގަޕޫރަށް ހިލޭ ދާން ބޭނުން ހެއްޔެވެ؟ އެ ފުރުސަތު އަންނަ މަހު ބާއްވާ "ވެކޭޝަންސް އެކްސްޕޯ 2016" ފެއާ އިން ދެނީ އެވެ.
ސިންގަޕޫރުގެ ޓޫރިޒަމް ޕްރޮމޯޝަން ބޯޑުން މި ފެއާގައި ދެނީ އެ ގައުމަށް ދިއުމަށް ދެކޮޅު ޓިކެޓެވެ. މި ޓިކެޓް ލިބޭ މީހަކު ސިންގަޕޫރަށް ދަތުރު ކޮށްލާނީ ސީދާ ސިންގަޕޫރު އެއާލައިންގަ އެވެ. މި އޮތީ ރަނުގެ ފުރުސަތެވެ. ފެއާ އޮންނަ އޮގަސްޓް 4 އިން 6 މުއްދަތުގައި ފެއާއަށް ގޮސްގެން މި އިނާމުގެ ނަސީބުވެރިއަކަށް ވެދިދާނެ އެވެ. އެ ގައުމުގެ ދެކޮޅު ޓިކެޓު އަގު ބަލާނަމަ މިއީ ބޮޑު އެއްޗެކެވެ. ޓިކެޓު އަގުވެސް އެންމެ ކުޑަވެގެން 600 ޑޮލަރު ވަރުވާނެ އެވެ.
ސިންގަޕޫރު ޓޫރިޒަމް ބޯޑުން ދޭ ޓިކެޓު ލިބޭ މީހަކަށް މަޝްހޫރު މެރީނާބޭ ސޭންޑްސް އާއި ސިންގަޕޯ ފްލަޔާ އަދި ބޮޓެނިކް ގާޑަންސް އާއި ސިންގަޕޯ ޒޫގެ އިތުރުން ސަންތޯސާ އައިލެންޑް ބަލާލުމުގެ ފުރުސަތު ލިބެ އެވެ.
ހައިރައިޒް އިން އިންތިޒާމުކޮށްގެން ބާއްވާ ވެކޭޝަންސް އެކްސްޕޯގައި ބައިވެރިވެފައިވާ ކުންފުނިތަކުން ދަނީ އަގު ބޮޑު ގިނަ އިނާމުތަކެއް ހުށަހަޅަމުންނެވެ. އެގޮތުން ހުށަހަޅާ އިނާމުތަކުގެ ތެރޭގައި ގިނަ ޗުއްޓީ ޕެކޭޖުތަކެއް ހިމެނެ އެވެ.