އަފްގާނިސްތާން ސިފައިން، "އިސްލާމިކް ސްޓޭޓް" ގެ ނަމުގައި ހަރަކާތްތެރިވާ ޓެރަރިސްޓް ގުރޫޕަށް ނިސްބަތްވާ 100 އަށް ވުރެ ގިނަ ހަނގުރާމަވެރިން މަރާލައިފިއެވެ.
އަފްގާނިސްތާންގެ ސިފައިން އާންމުކޮށްފައިވާ ބަޔާނެއްގައި ބުނެފައިވަނީ އިއްޔަ ހިންގި އަސްކަރީ އޮޕަރޭޝަނެއްގައި އައިއެސް 122 މަރާލައިފައިވާ ކަމަށެވެ. އޭގެ ތެރޭގައި ގުރޫޕްގެ ކޮމާންޑަރެއް ކަމަށްވާ ސައީދު އެމްރިތީ ވެސް މަރާލައިފައިވާ ކަމަށް ބަޔާނުގައިވެ އެވެ.
މީގެ އިތުރުން އަފްގާނިސްތާނުގެ އާޗިކިންގެ ކޮޓް ސަރަހައްދުން އިތުރު 20 މީހަކުވެސް ހައްޔަރުކޮށްފައިވާ ކަމަށް އެ ގައުމުގެ ސިފައިން ވަނީ ބުނެފަ އެވެ. އައިއެސްއިން ވަނީ މިދިޔަ ހޮނިހިރު ދުވަހު ކާބުލްގައި ޝިއައީންގެ ޖަމާއަތަކަށް ހަމަލާ ދިން ކަމުގެ ޒިންމާ ނަގާފައެވެ.
މިމަހު ކުރީކޮޅު އަފްގާނިސްތާންގެ ރައީސް އަޝްރަފް ގާނީ ވަނީ އައިއެސްގެ ބާރު އަފްގާނިސްތާނުން ކަނޑުވާލުމަށް ވަރުގަދަ އޮޕަރޭޝަނެއް ހިންގުމަށް އަފުގާނިސްތާންގެ ސިފައިންގެ މައްޗަށް އަމުރުކޮށްފައެވެ.