މަންމައާއި އޭނާގެ އުމުރުން 14 އަހަރުގެ އަންހެން ދަރިފުޅު ގޭންގް ރޭޕެއްގައި އިއްފަތް ފޭރިގަތް ކަމުގެ ތުހުމަތުގައި އިންޑިއާގެ ފުލުހުން 15 މީހަކު ހައްޔަރުކޮށްފި އެވެ.
މަންމައާއި އޭނާގެ 14 އަހަރުގެ އަންހެން ދަރިފުޅު ރޭޕް ކޮށްފައިވަނީ އުއްތުރަ ޕްރަދޭޝަގެ ބްލަންދަޝޭރުގައި ހައިވޭއިން ދަތުރު ކުރަމުން ދިޔަ ކާރެއް ހުއްޓުވުމަށްފަހު އޭގައި ތިިބި ތިން ފިރިހެނުން ބަނުމަށްފަހުގައި ކަމަށް ފުލުހުންގެ އޮފިޝަލެއް ކަމަށްވާ ދަލްޖީތު ޗައުދަރީ ވިދާޅުވި އެވެ.
ޗައުދަރީ ވިދާޅުވީ ގޭންގުން އެ މީހުންގެ އަތުގައި ހުރި ފައިސާއާއި ގަހަނާތަކާއި މޯބައިލް ފޯންތައް ވެސް ފޭރިގެންފައިވާ ކަމަށެވެ.
އުއްތުރަ ޕްރަދޭޝްގެ ސަރަހައްދީ ސަރުކާރާ އިދިކޮޅު ފަރާތްކުން ބުނީ އެ ސިޓީގެ ސަލަމާތްތެރިކަމާއި ރައްކާތެރިކަން ބެލެހެއްޓުމުގައި ސަރުކާރު ފެއިލްވެފައިވަ ކަމަށެވެ.
އިންޑިއާގައި ފަހަކަށް އައިސް ވަނީ ރޭޕް ކުރުމުގެ މައްސަލަ އިންތިހާއަށް އިތުރުވެފަ އެވެ. ރޭޕް ކުރުމުގެ މައްސަލަ އާންމުގެ ސަމާލުކަމަށް އަިއސްފައިވަނީ 2012 ވަނަ އަހަރު ނިއުދިއްލީގެ ބަހެއްގެ ތެރޭގައި ރޭޕް ކުރި އަންހެނަކު މަރުވުމާ ގުޅިގެންނެވެ.