ކާބުލް (24 އޯގަސްޓް) - އަފްޣާނިސްތާނުގެ ވެރިރަށް ކާބުލްގައި ހުންނަ އެމެރިކަން ޔުނިވާސިޓީ އަށް ބޮމާއި ބަޑީގެ ވަރުގަދަ ޓެރަރިސްޓް ހަމަލާއެއް މީގެ އިރުކޮޅެއް ކުރިން ދީފި އެވެ.
މި ހަމަލާއާ ބެހޭ މާ ގިނަ ތަފްސީލެއް މިވަގުތަށް ނެތް ނަމަވެސް މަންޒަރު ދުށް ފަރާތްތަކުން ބުނެފައި ވަނީ ބޮމާއި ބަޑީގެ އަޑު އެ ހިސާބުގައި ގަދަކަމަށާއި ޔުނިވާސިޓީގެ އެތެރެއިން ދަރިވަރުން ހަޅޭލައްވާ އަޑު ވެސް އިވެމުންދާ ކަމަށެވެ. ޔުނިވާސިޓީއާ 100 މީޓަރު ދުރުން މަންޒަރު ދުށް ދަރިވަރު ބީބީސީ އަށް މައުލޫމާތު ދެމުން ބުނެފައި ވަނީ ބޮމުގެ ވަރުގަދަ ހަމަލާއެއް ދީފައިވަނީ ޔުނިވާސިޓީގެ މެއިން ގޭޓުގައި ކަމަށެވެ.
ހަމަލާއާ ގުޅިގެން އަފްޣާނިސްތާނުގެ ސަލާމަތީބާރުތަކުން މިހާރު ދަނީ ޔުނިވާސިޓީ ހުރި ސަރަހައްދުގައި ހަރަކާތްތެރިވަމުންނެވެ.
މި ހަމަލާގައި މަރުވި ނުވަތަ އަނިޔާވި މީހުންގެ އަދަދު އަދި ސާފެއް ނުުވެ އެވެ.
އަފްޣާނިސްތާނުގެ ވެރިރަށުގައި ހުންނަ އެމެރިކަން ޔުނިވާސިޓީގެ ކޮމްޕައުންޑުގައި އެގައުމުގެ ސަލާމަތީބާރުތަކުން މިރޭ ހަރަކާތްތެރިވަނީ.