ދިރާގު އީދު ޝޯއަށް ދާންޖެހޭ ފަސް ސަބަބު

މި އަހަރުގެ ބޮޑު އީދުގައި މާލޭގައި ބާއްވާނެ އެންމެ ފޯރިގަދަ އެއް ހަރަކާތަކީ ހަމަގައިމު ވެސް މިކަންވާނެ އެވެ. މުޅީ މާލެ ކައްކުވައިލާނެކަން ޔަގީނެވެ. އެއީ އީދުގެ އުފަލުގައި ދިރާގުން ބާއްވަމުން ގެންދާ "ދިރާގު އީދު ޝޯވް" އެވެ. މި އަހަރުގެ ޝޯވް ބާއްވަނީ އެކުވެނި ދަނޑުގަ އެވެ. ތިރީގައި އެ ވަނީ އީދު ޝޯވް އަށް ދާން ޖެހޭ ފަސް ސަބަބެވެ.

1. ޒުވާނުންގެ ހުނަރު ކުރިއަރުވަން ދިރާގު ކުރާ މަސައްކަތް ބަލައިގަތުން

ދިރާގު ހަމަ ގައިމުވެސް ވެގެންދާނީ ޒުވާނުންގެ ހުނަރު ތަރައްގީ ކުރަން އެންމެ ހިތްވަރުކުރާ އެއް ކުންފުންޏެވެ. ހާއްސަކޮށް ޒުވާނުންގެ ހަރަކާތްތަކަށް ދިރާގުން ދޭ ދީލައި އެހީއަކީ މީގެ ހެއްކެވެ. މިއީ ދިރާގު ޝޯވްއަށް ދާން ޖެހޭ މައިގަނޑު އެއް ސަބަބެވެ. ދިރާގުގެ މަގުސަދަކީ މިޝޯވް ބާއްވައިގެން މާލެ، ވިލިމާލެ، ހުޅުމާލޭގެ ރައްޔިތުންނަށް އީދު އުފާ ގެނެސް ދިނުމެވެ. މީގެ އިތުރުން މިޝޯވްއަކީ މާލޭގައި އީދު އުފާ "މަރުވެފައި ވަނިކޮށް" ދިރުން ގެނެސްދިން ޝޯވް އެވެ. މި ޝޯވް އެންމެ ފުރަތަމަ ބާއްވާފައިވަނީ 2011 ވަނަ އަހަރު އެވެ. އޭގެ ފަހުން ދިރާގު ޝޯވް ސިލްސިލާއެއްގެ ގޮތުގައި ހަ ޝޯވް ބާއްވާފައިވެ އެވެ.

2. ސިޔާސީ ބޯ ހާސްކަމުން ބޯދަމައި ގަތުން

ސިޔާސީ ފިކުރު އަބަދު ބޮލުތެރެއަށް ލައިގެން ތިބޭނަމަ ހަމަ ޔަގީނުންވެސް މާގިނަ ދުވަހެއްގެ ނުވެ އެމީހަކު ދުނިޔެއަށް މޮޔެވެދާނެ އެވެ. އެހެންކަމުން ކޮންމެ ވެސް ވަގުތެއްގައި މި ފިކުރުން އެއްކިބައިވާން އެބަ ޖެހެ އެވެ. މިކަމަށް ބަލާއިރު މާލޭގައި މާގިނަ ކަންތައްތަކެއް ނުހުރެ އެވެ. ނަމަވެސް އީދުގައި މާލެ އިން ބޭރަށް ނުގޮސް ތިބޭ މީހުންނަށް މިޝޯވް ވަރެއް ހަމަ ޔަގީނުން ވެސް ނެތެވެ. މިއީވެސް ޝޯވް ބަލައިލާން ޖެހޭ ސަބަބެކެވެ.

3. އުނޫޝޯ އާއި ބަތޫލް އެންޑް ބޭންޑް ސްޓޭޖަށް

އުނޫޝާއަކީ ކުރިން ލައިވް ޝޯވްތައް ދިނުމުގައި ގިނައިން ފެނުނު ތަރިއެކެވެ. ނަމަވެސް ދުވަސް ގަނޑަކަށް ގެެއްލުމަށްފަހު މި ޝޯވްގައި އުނޫޝާ ފެންނާނެ އެވެ. ޒުވާން ބޭންޑްތަކާއެކު އުނޫޝާ އެނބުރި އައުމަކީ ވެސް މި ޝޯވް ބަލައިލާން ދާން ޖެހޭ ސަބަބެކެވެ. ދެން އޮތީ ޒުވާން ލަވަކިޔުންތެރިޔާ ބަތޫލްގެ ވާހަކަ އެވެ. އޭބީޔޫ ނުވަތަ އޭޝިއާ ޕެސިފިކް ބްރޯޑްކާސްޓިން ޔޫނިއަންގެ ރޭޑިއޯ ސޯންގް ފެސްޓިވަލްގައި ޕާފޯމް ކުރި ބަތޫލްވެސް ބޭންޑާއެކު ފެނިގެންދާނެ އެވެ. އެހެންވެ މިއީ ބަތޫލްގެ ފޭނުން މި ޝޯވްއަށްދާން ޖެހޭ ސަބަބެކެވެ.

4. މާސިންގާ ތަފާތު ބޮޑު ސްޓޭޖް

ރާއްޖޭގެ ޝޯވްތަކުގައި މިހާތަނަށް ނުފެންނަވަރުގެ ތަނަވަސް ބިޔަ ސްޓޭޖެއް މި ޝޯވްއަށް ދިރާގުން ވަނީ ފައްކާކޮށްފަ އެވެ. ގާތްގަނޑަކަށް 65 ފޫޓުގެ ބިޔަ މި ޝްޓޭޖު ޒީނަތްތެރި ކުރުމަށް ފަހަތުގައި ހުންނާނީ ލެޑުންނެވެ. އަދި މި ޝޯވް ވެގެންދާނީ ސައުންޑާއި ލައިޓް އެންމެ ހިތް ގައިމު އެއް ޝޯވް އަށެވެ. މި ޝޯވްގެ ލައިޓާއި ސްޓޭޖް ހެދީ "ސްޓޭޖް ކޯ" އިންނެވެ. އަދި"ސައުންޑް ހަދާފައިވަނީ "ސައުންޑް ހައުސް" އިންނެވެ.

5. ޒުވާން ބޭންޑްތައް ފެނުން

އާއްމުކޮށް ބާއްވާ މިއުޒިކް ޝޯވްތަކުގައި ފެންނާނީ ބޮޑެތި މިއުޒިކް ބޭންޑްތަކެވެ. ނަމަވެސް ދިރާގުން މި ޝޯވް އިންތިޒާމު ކޮށްފައިވަނީ ޒުވާން ބޭންޑް ތަކަށް ފުރުސަތު ދިނުމެވެ. މި ޝޯވްގައި ލަވަ ހުށަހަޅައިދޭނެ ބޭންޑްތަކުގެ ތެރޭގައި ބަތޫލް އެންޑް ބޭންޑް، ހައިޝަމްތައުފީގު އެންޑް ބޭންޑް، އިޝާން އެންޑް ބޭންޑް، ޒަލީފް އެންޑް ޓީމް ފިޓްގެ އިތުރުން ޑީޖޭ ފާރިހު ހިމެނެ އެވެ. އެހެންވެ ޒުވާނުންގެ އިތުބާރާއެކު ސްޓޭޖް މަތީގައި ޕާފޯމްކޮށް ހުނަރު ދައްކައިލުމަށެވެ. ޒުވާން ލަވަ ކިޔުންތެރިންނަށް ތަރުހީބު ދިނުމެވެ.